The Definitive Guide to Living in the Capital , Cairo , Egypt

تليفزيون
الملعب

الملعب: مش كل الرياضة كورة على قناة cbc two

  • توك شو
  • من الآن
  • محمد عبد العظيم
تم التقييم بواسطة
Rasha Zeidan
قيم
قيم الآن
الملعب: مش كل الرياضة كورة على قناة cbc two

قناة cbc two جديدة نسبيًا.. ضمن سلسلة قنوات تابعة لنفس الاسم.. المهم الحكاية أنهم قعدوا يفكروا كثير لما نعمل قناة جديدة إيه اللى يجذب الناس.. إيه يا ترى؟ هداهم تفكيرهم أن علشان نجذب الجمهور لازم نجيب إعلاميين كبار ونجوم مشهورين.. زى مدحت العدل، وإسعاد يونس، ود. على جمعة.. وكابتن شوبير.

كابتن شوبير رحلة طويلة من ساعة ما كان حارس مرمى للنادى الأهلى ومنتخب مصر لحد ما اعتزل وبقى معلق على المباريات وفى الوسط كده شوية سياسة وترشح لمجلس الشعب.. وانتهى المطاف بشوبير الإعلامى.

وعملنا برنامج الملعب.. والاسم واضح أنه تقليدى لبرنامج كورة مافيهوش ابتكار.. ودى حالة عامة على فكرة فى أغلب برامج الكورة فى المحطات الفضائية الثانية، تقدروا تقولوا يعنى مشكلة عامة.

من الحاجات المهمة فى نجاح أى برنامج ورقم واحد فيه (مش الاسم).. المهم الكاريزما.. لازم مقدم البرنامج يكون عنده كاريزما عالية يجذب المشاهد.. لو ده موجود حتى لو طلع يقول لهم “ريان يا فجل” برضه هـ يبقوا مركزين معاه ومشدودين له.

أما الحاجة الثانية فهى الجديد اللى بـ يقدمه لأن الناس تعبت من التكرار والحوارات والوجوه اللى شبه بعض واللى بـ تتنقل فى كل القنوات.. وكابتن شوبير متوافر فيه الكاريزما والتجديد (بشكل معقول).

البرنامج بـ يهتم بمستقبل الكرة فى مصر وبـ يركز على الكرة فى كل المستويات، يعنى الناحية النفسية للاعبين وتحليل المباريات وأخبار اللاعبين ولياقتهم وسلوكهم وطريقة لعبهم وأخبار النوادى والدورى والكاس.. وكمان علاقة الكورة بالسياسة حتى فكرة مستقبل الكورة فى أجندة الرئيس اللى جاى.. وبـ يجيب متخصصين علشان يجاوبوه على كل أسئلته.

شوبير استضاف عدد كبير من اللاعبين المشهورين ونجوم الرياضة من أندية مختلفة زى: “أحمد حسن.. أحمد حسام.. سيد عبد الحفيظ وغيرهم”.

بـ نأخذ على البرنامج مدة طول العرض، يعنى ممكن تخلص طبقين فيشار كبار وتتغدى وهو لسه شغال وشايفين صراحة أن ساعتين كثير على برنامج.. مش كثير على كابتن شوبير.. اللى بـ يحب الكلام ثم الكلام ثم الكلام…. إلخ، لكن كثير على برنامج بـ يخاطب الناس بشكل مباشر، يعنى لو اختصرنا البرنامج فى ساعة يكون حلو قوى.

الملعب برنامج حلو بـ يفهمك الكرة والبطل الأساسى فيه من وجهة نظرنا هو المخرج محمد عبد العظيم لأنه بـ يتعب فى الساعتين من كثر الفقرات والمقاطع والتقارير وغيره.. لكن لو كان الملعب بـ يهتم أكثر بالرياضات الثانية ويسيبه من السياسة شوية نعتقد ساعتها كان هـ يبقى أفضل كثير.

عجبك ؟ جرب

شكل تانى مع كابتن نور خطاب.

نصيحة 360

برنامج "الملعب" تقديم كابتن شوبير، ومن إخراج محمد عبد العظيم، يذاع على قناة cbc two من الأحد إلى الخميس الساعة 6 مساءً.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح