المنزل: كل اللي بـ تحلم به في بيتك هـ تلاقيه

تليفزيون

المنزل

- 28/03/2012

المنزل: كل اللي بـ تحلم به في بيتك هـ تلاقيه

توك شوعائلي
من الآن
جويس عبداللهجويس عبدالله

تم التقييم بواسطة

Marwa Fathy

قيم

قيم الآن

المنزل: كل اللي بـ تحلم به في بيتك هـ تلاقيه

كل واحد
فينا بـ يحب أن بيته يكون أجمل مكان في الدنيا لأنه المكان اللي بـ يحس فيه
بالراحة والهدوء، لكن علشان نوصل للشكل الجميل والجذاب من ديكورات متنوعة جديدة في
كل غرفة بالبيت يبقى لازم نشوف برنامج “المنزل” اللي بـ يعرض على قناة
اليوم الفضائية التابعة لشبكة أوربت.

الجميل
في البرنامج أن أصحاب المنزل هم مقدمي الحلقة، يعني مافيش مذيع محدد له ودائمًا ما
يبدأ البرنامج بعرض لقطات من ديكورات متنوعة للشكل العام للبيت اللي بـ يتم التصوير
فيه، وبعد كده بـ يعمل المصور Close وبـ يقرب اللقطة قوي للمشاهد على الأثاث والمفروشات والتحف الموجودة في
البيت مع وجود موسيقى هادئة في عرض اللقطات وده طبعًا بـ يساعد المشاهد أنه يشعر
بالجمال والانسجام في كل حاجة موجودة في البيت.

وبعد كده
بـ يظهر مهندس الديكور والمصمم لكل جزء في البيت ويشرح إيه اللي تم بالضبط علشان
يوصل للصورة النهائية دي سواء كان في الزوايا أو الطاولات، وكمان خشب الصالون
وغيره وإزاي أن التصميم الخاص بخشب الحجرة لازم يتناسب مع الأرضية سواء كانت رخام
أو بورسلين، وكمان دهان الحوائط إزاي يكون متناسق مع كل ده وضرورة تناسب الإضاءة
مع الألوان وفيه لقاءات مع أصحاب المنازل علشان يعبروا عن آرائهم في اختيار القطع
المختلفة في البيت.

وكمان بـ
يوضحوا تجربتهم في تناسق الألوان مع بعضها سواء كانت في الأقمشة، الديكورات وتصميم
الحوائط، وبـ يهتم البرنامج كمان بعرض لقطات متنوعة لكل جزء في المنزل سواء كانت
لوحات أو إكسسورات، وكمان بـ يهتم دائمًا مهندس الديكور باختيار الأواني وتناسقها
مع المطبخ وبـ يهتم بإظهار حمامات البيت في أجمل صورة.

نقدر
نقول أن المنازل عالية الرفاهية هي بطلة البرنامج في كل حلقة وبالتالي بـ يهتم
بالمضمون عن باقي التفاصيل الثانية بالبرنامج، وكمان مهندس الديكور في كل حلقة
مختلف عن الحلقة السابقة وبـ يهتم بآراء المهندسين العالميين لعرض أفكار جديدة
وآراء مختلفة سواء في التصميمات أو زوايا الجدران ومزجها وتناسقها مع أثاث المنزل،
ونلاحظ أن البرنامج مختلف عن باقي برامج الديكور فمافيش مذيع متخصص بل كل الاهتمام
بأصحاب المنزل.

ورغم
جمال البرنامج إلا أن بعض أصحاب المنازل ما عندهمش ملكة التحدث أمام الكاميرا بشكل
جيد، وكمان بـ يقتصر على نوع واحد فقط من الديكورات وهو البيت، وكمان ممكن يشعر
بعض المشاهدين باختلاف الطبقات خاصة في الديكورات باهظة الثمن المعروضة.

عجبك ؟ جرب

برنامج "أنت أجمل" على قناة دبي الفضائية.

نصيحة 360

من برامج الحديث المباشر وبـ يعرض كل يوم جمعة الساعة 6 مساءً بتوقيت القاهرة على قناة اليوم الفضائية، ومن إعداد وتنسيق سعيد ملكي وجوزيف الدبس، وإخراج جويس عبد الله ومدة البرنامج ساعة.