The Definitive Guide to Living in the Capital , Cairo , Egypt

الهروب

الهروب: برنامج يعد تقليد ناجح لفيلم SAW على قناة الحياة الحمراء

  • عمرو عبد العزيز
  • رعب
  • من الآن
  • محمد ثروتمحمد ثروت
تم التقييم بواسطة
Ahmed Abd El Gawad
قيم
قيم الآن
الهروب: برنامج يعد تقليد ناجح لفيلم SAW على قناة الحياة الحمراء

المنشار:

لو رجعنا للوراء شوية عند جيلنا اللى بـ يسموه "جيل الثمانينيات" واللى تربى على أفلام "اختارنا لك" و"تاكسى السهرة" وكان مقدر له أنه يشوف مسلسل أجنبى على مدار حلقة كل أسبوع فى البرامج اللى بـ تعمل كده.. أو يستنى عرض الموسم لفيلم أجنبى على القناة الثانية.. دى كانت بـ تبقى ليلة ولازم تعمل كل لوازم السهرة علشان تتفرج.. الجيل ده هو اللى تابع بعد كده بسهولة الأفلام الأجنبى على المحطات الفضائية ومن بعدها على أجهزة الكمبيوتر.. لحد ما بقى الفيلم ينزل فى أمريكا وأوروبا وينزل عندنا على اليوتيوب.. وبرضه نتفرج عليه.

 

التيمة:

على اختلاف الأذواق الناس بـ تتفرج، يعنى كثير من الشباب بـ يحب أفلام الحركة ونقدر نعد لكم كثير منها.. وفيه فريق أفلام الفانتازيا "سوبر وبات وإيرون وسبايدر.. مان"، وفيه اللى بـ يحب الرومانسى وكده يعنى.. لكن ظهرت فئة جديدة فى متابعى الأفلام وهى فئة محبي أفلام الرعب على الرغم أن السينما المصرية فشلت تقريبًا فى تقديم فيلم رعب حقيقى إلا أن هوليوود كانت ناجحة فى عمل سلاسل كثيرة لأفلام الرعب.. وأكثر حاجة ترعبك فى تيمة الرعب أنك ما تبقاش عارف البطل اللى بـ يقتل ويسحل ويرعب الباقيين وده متحقق جدًا فى فيلم "SAW" أو المنشار واللى فيه مجموعة من الناس بـ يصحوا يلاقوا نفسهم داخل بيت ولازم ينفذوا التعليم اتوفى الغالب بـ يموتوا كلهم أو بـ يقتلوا بعض فى "120" دقيقة حضرتك حابس أنفاسك فيها.

 

الأنفاس:

حبس الأنفاس فى برنامج "الهروب" موجود لأنه قائم على نفس الفكرة، واحد شرير قاعد لوحده فى بيته المرعب وبـ يحبس مجموعة من "المتسابقين" وعاوز يلعب معاهم لعبة واللى هـ ينجح فى اللعبة دى هو اللى هـ يعدى.

 

اللعبة:

عبارة عن مجموعة مسابقات بـ يعدوا فيها بمراحل واللى هـ يكسب هو اللى هـ يقدر يهرب من البيت ده.. والبطل لسه مش معروف حتى فى إعلانات القناة نفسها مش معرفين الناس مين البطل.. لكن مع الإنترنت والحلقة الأولى الناس كلها بـ تعرف أنه الفنان عمرو عبد العزيز.

هو أول برنامج مسابقات رعب في مصر.. بـ يشترك في كل حلقة 8 مشتركين: 6 من مصر و2 من دول عربية مختلفة زى السودان، وتونس، والمغرب، والأردن، والكويت، والسعودية.

والديكور بتاع البرنامج جامد جدًا، وبـ يعطى إيحاء الرعب وطريقة تصويره كمان مميزة ومخليك عاوز تتابعه وتعرف إيه اللى هـ يعملوه ويا ترى هـ يقدروا يهربوا ولا إيه.. وشكل المتسابقين وهما مربوطين فى السلاسل كأنه منظر حقيقى وده بـ يزود التشويق فى البرنامج، واضح أن الناس تعبوا فى البرنامج وعملوا إنتاج جامد.

الفكرة قائمة على 8 مشتركين وبـ يتقسموا 4 مجموعات ويبدأوا اللعب، البيت فيه مجموعة أبواب وكل باب وراه حكاية ولعبة بـ يعرفوا الحكاية من مقدم البرنامج وبـ يبدأوا فى اللعبة واللى يكسب هـ ….. واللى يخسر…… وفى النهاية كله بـ يدور على الذهب.

عجبك ؟ جرب

برنامج "أدرينالين" على قناة mbc مصر.

نصيحة 360

برنامج "الهروب" من تقديم عمرو عبد العزيز وإخراج محمد ثروت، ويعرض على قناة الحياة الحمراء كل أحد الساعة 11 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح