بالأرقام: هو ده أجر نجوم مسلسلات رمضان 2016
Cairo 360
كل سنة الناس بتبقى مهتمة تعرف أجور نجوم مسلسلات رمضان، بنسمع عن أرقام كتير متضاربة، ومابنبقاش عارفين نصدق مين ولا مين من المواقع الكتير، إحنا دورنا بنفسنا وعرفنا من مصادر موثوقة الأجور الحقيقية لنجوم رمضان.. عاوزين تعرفوها؟ إحنا هنقول لكم في الموضوع ده!
أعلى أجر السنة دي حصل عليه الممثل الكبير عادل إمام، الرقم هو 40 مليون جنيه، وده بيبرر ليه قناة إم بي سي مصر هي اللي بتعرض مسلسله "مأمون وشركاه" حصريًا، لأنها طبعًا القناة الوحيدة اللي تقدر تدفع الرقم ده في الظروف الاقتصادية الصعبة اللي بتعيشها القنوات المصرية. أكيد كلنا عارفين إن إم بي سي مصر بتمويل سعودي.
الفنان يحيي الفخراني حصل على 28 مليون جنيه مقابل دوره في مسلسل "ونوس"، والمسلسل بيعرض على أكثر من قناة منهم سي بي سي، بتدور أحداث المسلسل في إطار دراما اجتماعية عن أب بيترك أبنائه، وبيختفي 20 سنة.
أما الفنان محمود عبد العزيز اللي بيطلق عليه لقب الساحر حصل على 27 مليون جنيه مقابل بطولته لمسلسل "راس الغول" اللي بتدور أحداثه حوالين شخص بارع في أساليب النصب والاحتيال.
وفي المركز الرابع بييجي الممثل محمد رمضان بطل مسلسل "الأسطورة" وبعده على طول الممثلة غادة عبد الرازق اللي حصلت على 22 مليون جنية عن دورها فى مسلسل " الخانكة".
نفس أجر غادة عبد الرازق حصل عليه المطرب محمد منير في مسلسل "المغني" وبعده في الترتيب الممثل مصطفى شعبان بأجر وصل لـ 18 مليون جنيه، مقابل أجره في مسلسل "أبو البنات". أما الممثلة نيللي كريم فأجرها عن مسلسل سقوط حر وصل لـ 17 مليون جنيه.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
