The Definitive Guide to Living in the Capital , Cairo , Egypt

بالفيديو: شوف كواليس مشهد غرق نيللي كريم في سقوط حر

بالفيديو: شوف كواليس مشهد غرق نيللي كريم في سقوط حر
written by
Cairo 360

الفيديوهات اللي بتبين لنا إزاي تم تصوير الأعمال الفنية مش منتشرة في مصر للأسف، رغم أنك لو عملت بحث عن "ميكنج" أي فيلم أو مسلسل عالمي هتلاقي عشرات الفيديوهات بتوضح لك طريقة تنفيذ كل مشهد، ومؤخرًا قناة سي بي سي اللي بتعرض مسلسل سقوط حر نشرت على قناتها الرسمية على يوتيوب فيديو بيوضح كيفية تصوير مشهد من أهم مشاهد مسلسل سقوط حر، وهو مشهد غرق نيللي كريم وهي على سرير.

المشهد تم تصويره في حمام سباحة ضخم، بمساعدة 2 غواصين للتدخل لإنقاذ نيللي كريم وقت الضرورة. الفيديو رغم أنه قصير جدًا لكن بيبين لنا إزاي المشاهد اللي بنشوها في الأعمال الفنية بتاخد مجهود كبير علشان تخرج بشكل مقنع.

 

 

مسلسل "سقوط حر" بيحكي عن سيدة مضطربة نفسيًا بتواجه تهمة قتل جوزها وأختها، وبعد القبض عليها بتقرر المحكمة أنها تدخل مصحة نفسية، والمسلسل بطولة نيللى كريم، باسل خياط، محمد فراج، وفريال يوسف، وأنوشكا، وفاء صادق، وإنجى المقدم، وأحمد جمال سعيد، وسمر جابر، ونهى عادل، ومن تأليف مريم نعوم، وسيناريو وائل حمدى وإخراج شوقى الماجرى، وإنتاج جمال العدل.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح