The Definitive Guide to Living in the Capital , Cairo , Egypt

بالمختصر

بالمختصر: برنامج حوار واضح وصريح على قناة mbc

  • ياسر العمرو
  • توك شو
  • من الآن
  • إيلي بشعلانيإيلي بشعلاني
تم التقييم بواسطة
Rasha Zeidan
قيم
قيم الآن
بالمختصر: برنامج حوار واضح وصريح على قناة mbc

ياسر العمرو إعلامي سعودي بدأ مسيرته عام 1998 واشتغل صحفي، وبعدها بدأ يدخل المجال الإعلامي واشتغل فى قناتي روتانا والمجد لحد ما استقر فى mbc، أثبت حضور وكفاءة فى البرامج اللى اشتغل فيها، وأحبته الناس وتعلقوا به وبطريقته فى التقديم وخفة دمه، قدر أنه يقدم برامج كثير ومتنوعة من أول البرامج الدينية للاحتفال باليوم الوطنى للمملكة السعودية، ولحد البرامج الحوارية زي برنامج "بالمختصر" وهو البرنامج اللى عرفه به جمهور mbc.

"بالمختصر" برنامج حوارى أسبوعي بيستضيف فيه العمرو شخصية عامة ويبدأ يحاورها ويسألها بالمختصر يعني مش بيطول فى الأسئلة، ولا بيحب الإجابات الطويلة، بيدخل فى قلب الموضوع مباشرة.. ومختار وقت حلو بعد صلاة الجمعة على طول، لما الأسرة بتجتمع مع بعضها بعد أسبوع طويل مليان بالشغل والتعب، فى الوقت اللى الأسرة بتقعد فيه أمام التليفزيون علشان تشوف حاجة تثير اهتمامها، وهو برنامج بيخاطب كل شرائح المجتمع يعني غير موجه لطبقة أو فئة معينة، برنامج لذيذ وبيختار موضوعات حلوة وتهم الناس فى كل البلاد.

البرنامج محتواه حلو وبيشتغل على ضيوف مشهورين ومعروفين فى الوطن العربي بشكل عام، يعني مش حد مشهور فى السعودية وبس، بيجيب مثقفين وكتاب وسياسيين ودعاة وكتاب إسلاميين، ومن بلاد مختلفة من الكويت والإمارات والسعودية، وما بيقفش عند موضوع محدد وإنما بيحاول يجيب موضوعات شاملة ومهمة للناس، ومن الحلقات اللى عملت دوشة حلقة داعش واللى اتكلم فيها الكاتب عبيد الوسمي عنهم وعن فكرة الجهاد وأنها بتكون عمل استخباراتى أصلًا أكتر منها فكرة الجهاد، كمان اتكلم عن سياسات بعض الدول ومنها الكويت.

الشكل العام للبرنامج عادي ضيف وتقارير زي أي برنامج، والديكور شيك لكنه عادي برضه فى فكرة الترابيزة والكرسيين والقعدة العادية والأسئلة هي اللى شوية مختلفة علشان شايلة فكرة البرنامج بالمختصر، المقدم ياسر العمرو بيحاول يجيب الإجابات المقنعة من الضيف، وبيسأل فى كل حاجة وبيهتم بالتفاصيل ومن الواضح أنه محاور شاطر وبيعرف يدير حوار جيد، لكن يمكن علشان الناس شبعت من البرامج الحوارية إلا لو كان برنامج حواري مع نجم من النجوم أو شخصية بيحبوها.. غير كده بيبقى صعب على الناس أنها تتابع البرنامج، لكن البرنامج بيقدم وجبة جيدة من الثقافة والوعي، ومحتاج بس شوية تطوير فى الشكل.

عجبك ؟ جرب

برنامج "بيت العائلة" لنجوى إبراهيم.

نصيحة 360

برنامج بالمختصر بيعرض كل يوم جمعة الساعة 12 ظهرًا من تقديم ياسر العمرو على قناة  mbc ومن إخراج إيلي بشعلاني.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح