The Definitive Guide to Living in the Capital , Cairo , Egypt

حق ميت

حق ميت: رومانسية وغموض في دراما رمضان

  • إيمي سمير غانم وأحمد الرداد وأحمد عبد العزيز
  • اجتماعى
  • من الآن
  • وإخراج فاضل الجارحيوإخراج فاضل الجارحي
تم التقييم بواسطة
Mohamed Hamdy
قيم
قيم الآن
حق ميت: رومانسية وغموض في دراما رمضان

بعد النجاح الساحق اللى حققه التعاون الفني بين إيمي سمير غانم والفنان حسن الرداد في فيلم زنقة ستات يبدو أن صناع مسلسل "حق ميت" قرروا استغلال النجاح ده في إنتاج عمل درامي رومانسي مُطعم بالأكشن والغموض يعرض في رمضان الحالي.. لكن هل حقق المسلسل نفس النجاح اللى حققه الفيلم؟!

الإجابة هي: لأ… لأن جمهور الدراما غير جمهور السينما، واللى تقدر تقدمه للناس في ساعة ونصف مختلف بشكل كبير عن اللى تقدر تقدمه للناس في 30 حلقة مدة كل منها حوالى 40 دقيقة لمدة 30 يوم على عدد قنوات كبيرة.

المسلسل بـ يبدأ حلقاته الأولى بخبر القبض على سفاح دوخ الداخلية، واهتمت بتغظية أخباره وسائل الإعلام وبرامج التوك شو، حالة من الغموض بـ تغلف خبر القبض على السفاح قبل ما نكتشف أن نادر مصطفى كمال (حسن الرداد) المحامي واللى بـ يتم اقتياده لوزارة الداخلية للتحقيق معاه بمعرفة اللواء عادل هلال (أحمد عبد العزيز) واللى بـ يظهر من جديد على الشاشة بعد غياب طويل، وفي عدد كبير من الأعمال الدرامية السنة دي.

المسلسل بـ يسير بنا في أكثر من مسار.. الأول والأساسي هو استرجاع الرداد لعلاقته بإيمي سمير غانم، ومن هنا بـ يبدأ الخيط الرومانسي في المسلسل، ومن ناحية ثانية بـ نشوف مسار ثاني للحروب الإعلامية وحروب برامج التوك شو، وده خيط جانبي نتوقع أن هـ يتم الاهتمام به أكثر من كده في الأحداث القادمة.

إيمي سمير غانم من الواضح أنها اكتسبت شوية وزن زيادة، بالإضافة أنها مش لايقة إلى حد ما فى الدور الرومانسي على الرغم من ملامحها وطريقة تعاملها وكلامها -في الشخصية- واللى جعلتها قريبة من أي بنت مصرية عادية، لكن نعتقد أن الدور لسه مش ملائم لها بنسبة 100% .

أحمد عبد العزيز بـ يؤدي دوره بكثير من المبالغة، وعلى الرغم من اشتياقنا لعودته للتمثيل مره ثانية لكن المبالغة في أداؤه ضايقتنا بدرجة كبيرة، ولو هـ نتكلم عن سلبيات أخرى في الأداء التمثيلي لباقي الأبطال لازم نقول أن الفنانة سورية الأصل ناندا محمد أدت دورها بشكل سىء للغاية، والدور كان محتاج فنانة ثانية خالص علشان تقوم به.

حسن الرداد بـ يثبت أقدامه يوم بعد يوم في عالم التمثيل.. أداؤه لسه فيه بعض الديفوهات لكن نقدر نقول أن الوضع بـ يتحسن معاه بشكل أفضل حتى لو كان ببطء، والمسلسل بالكامل يقع في خانة المسلسلات المتوسطة اللى ممكن يفوتك منها حلقتين ثلاثة وترجع تكمل مشاهدة كأن مافيش حاجة فاتتك ماعدا طبعًا بعض الحلقات المحورية زي الحلقة الحادية عشر مثلًا.

حق ميت مسلسل تليفزيوني شوفه لو مش لاقي حاجة ثانية تشوفها.. مش أسوأ مسلسل ومش أحسن واحد، وكنا نتوقع المزيد من فريق عمله خصوصًا بعد نجاحهم في زنقة ستات.

عجبك ؟ جرب

لعبة إبليس.

نصيحة 360

المسلسل من تأليف باهر دويدار وإخراج فاضل الجارحي، بـ يعرض على الحياة مسلسلات الساعة 11 صباحًا والإعادة اليوم التالي الساعة 12 صباحًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح