The Definitive Guide to Living in the Capital , Cairo , Egypt

تليفزيون
حماقي والحياة

حماقى والحياة: على قناة الحياة 10 سنين مغنى

  • توك شو
  • من الآن
  • عماد الغول
تم التقييم بواسطة
Ahmed Abd El Gawad
قيم
قيم الآن
حماقى والحياة: على قناة الحياة 10 سنين مغنى

الحياة إبداع:

الحياة إبداع.. والمهم أنك تشوف فكرة الإبداع الجديدة اللى ممكن تعملها.. علشان تبقى مشهور.. ولا نقول لك مش لازم بس تبقى مشهور لكن لازم تبقى مبدع.. فى أى مجال دور على الإبداع.. دور على كل حاجة جديدة ومهمة تقدر تعملها علشان تفيد الناس وتفيد المجتمع وتفيد كمان الوسط اللى بـ تتعامل معاه.. وحماقى نموذج للإبداع، هو مبدع مصرى يستحق لقب القناص مش علشان قدرته على اقتناص الأغانى الجديدة لكن كمان علشان قدرته على اقتناص كل لحظة فى حياته وصنع حالة مختلفة لها.. خطوات كثيرة رسخت حياته علشان يبقى نجم من نجوم الغناء فى مصر والوطن العربى.. محمد حماقى بـ يعمل حوارات استثنائية مع “رغدة سنهوب” حول حياته الشخصية والمهنية وأسرار تكشف لأول مرة، هاه.. مين بـ يحب حماقى؟

 

المزيكا:

حماقى من الشخصيات المهمومة بالمزيكا وبتطويرها وبالعمل على الجديد منها، يعنى بـ يسمع الجديد وبـ يتابعه فى الموسيقى العالمية وبـ يحاول كمان يعمل مزج ما بينه وبين الشرقى علشان يطلع بفكر جديد.. وهو شايف أن الفنانين العرب مقصرين شوية تجاه المزيكا.. والحفلات.. حماقى شايف أن فيه مشكلة فى ثقافة التجهيز للحفلات، أنك تكلم المطرب وتقول له فيه حفلة يوم كذا فى المكان الفلانى فـ يوافق وتبيع التذاكر وخلاص.. مش ده اللى المفروض يحصل، لأنه شكل تقليدى وما بـ يأخذش الفنان الوقت الكافى للتجهيز علشان كده كان لازم يغير هو ثقافة التعامل مع الحفلات.. علشان كده عمل حفلة مختلفة بمرور 10 سنين على أول أغنية له.

 

10 سنين:

حفلة قعد يحضر لها (7 شهور) علشان يحتفل بمرور 10 سنين على دخوله الوسط  الفنى وكانت مختلفة تمامًا من ناحية الإخراج والديكور والألعاب النارية والإضاءة المميزة والمسرح المفتوح.. وقدر يقدم فيها ملخص لعشر سنين من أول أغنية قدمها وهى “بـ تضحك” لحد آخر ألبوم.. وعمل فيها عناصر كثير زى “الشو اللى بـ يحصل على المسرح والرقصات وشغل الجرافيك والإضاءة والمؤثرات الصوتية والفيديو.. وكانت ليلة بقى.. حتى الكاميرات ومكانها وكل مصور كان لازم يعرف فى كل أغنية هو هـ يصور منين وهـ يصور أى جزء.

 

حماقى:

بدأت علاقة “حماقى” بالغناء فى عام 1997 لما شارك فى ألبوم غنائى بعنوان “لقاء النجوم 3” واللى شارك فيه المغنى “محمد منير” و”حميد الشاعرى” والمطربة المعتزلة “حنان”، صدرت له بعد كده أغانى منفردة وعلى فترات متباعدة، في 2000 شارك “حماقى” في الأوبريت الناجح “القدس هـ ترجع لنا” وبعدين عمل حماقى ألبوم “خلينا نعيش” اللى كان طريقه للشهرة.

أكثر حاجة بـ تميز حماقى أنه ما اختارش طريق الشهرة السهل وقلد نجاح اللى سبقوه من المطربين.. هو أصر على إثبات وجوده من خلال اتباع أسلوب مميز في الغناء خلاه يكون بالفعل قناص الجيل وصاحب الصوت الجميل اللى يقدر يفرحك أو يحزنك.. المهم أنت عاوز إيه.

عجبك ؟ جرب

برنامج "بنى آدم شو" لأحمد آدم.

نصيحة 360

برنامج حماقى والحياة تقديم رغدة سنهوب، وإخراج عماد الغول، يعرض على قناة الحياة كل ثلاثاء الساعة 11:30 مساءً.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح