The Definitive Guide to Living in the Capital , Cairo , Egypt

عصير الكتب (موسم2)

عصير الكتب: والله زمان يا بلال على قناة العربي

  • بلال فضل
  • اجتماعى
  • من الآن
  • شيماء خليل وأحمد رشادشيماء خليل وأحمد رشاد
تم التقييم بواسطة
Ahmed Abd El Gawad
قيم
قيم الآن
عصير الكتب: والله زمان يا بلال على قناة العربي

بلال فضل:

هو الكاتب الساخر اللى ياما ضحكنا (بلال فضل) وهو الصحفى الشاطر وكاتب المقال اللى ياما حكى لنا عن كتب وعن مواقف ثقافية كثير.. وهو السيناريست اللى ياما عمل أفلام أثرت فى جيل بحاله.. وهو المصرى الثورى اللى ياما كتب عن مصر الحلوة والجميلة ومصر الشقية ومصر التعبانة كمان.. هو بلال فضل بكل تكويناته دى قرر يعيد التجربة ثانى.

 

التجربة:

تجربة عصير الكتب عملها بلال قبل كده وكانت تجربة نصف ناجحة على قناة دريم وكان بـ يجيب معاه مجموعة من الكتاب وبـ يستضيفهم.. لكن ما حدش عارف البرنامج وقف ليه ولا ما نجحش ليه.. هنا وقفنا وقولنا طب يا ترى بلال لما يعيد التجربة ثانى هـ يستفيد من اللى فاتت؟

 

اللى فاتت:

بصوا البرنامج بالضبط زيه زى اللى فات مافيش تغيير يعنى هو بـ يتكلم عن مجموعة كتب جديدة نزلت السوق أو كتب قديمة قراها زمان.. وبـ يحاول يعمل كل حاجة لها علاقة بالكتابة، يعنى بـ يستعرض في الجزء الأول كتاب من الكتب اللي بـ يتكلم عنه وعن ظروفه وظروف كتابته ومين صاحبه والكتاب بـ يحكى عن إيه، ولو فيه حكاية بـ يحكيها في شكل سردي وهو معروف طبعًا بطريقته فى الحكى اللذيذة.

كمان بـ يستضيف البرنامج واحد من العاملين في المجال الثقافي علشان يتكلم عن القضايا الثقافية المختلفة وبـ يدخل معاه الفن والمزيكا والرسم وكل أنواع الكتابات، وبـ تتنوع الفقرات الثانية للبرنامج بين تقارير عن كتاب مشهورين وعروضٍ للفعاليات الثقافية الهامة، زى الحفلات والمسرح والندوات والمؤتمرات.

 

الجديد:

الجديد بقى فى البرنامج أنه مش بس كان مهتم بمصر زى زمان لكن اهتمامه اختلف وبقى معاه فريق إعداد قوى بـ يخليه يتكلم عن قضايا ثقافية عربية وخلى البرنامج يخرج من التوب المصرى للتوب العربى علشان يكلمنا عن قراءات مهمة ويعرفنا كمان على كتاب كبار من كل حتة فى الوطن العربى.

البرنامج بـ يتميز بحاجة مختلفة وهى العناوين المثيرة زى الروايات سيدة الكتب فى أزبكية عمان.. وتحس أن الموضوع ده "ميكس" مصرى عربى.. وهـ تعرف أن فى عمان مثلًا سور الأزبكية زى مصر بالضبط وقد إيه الناس هناك مهتمة بالكتب وبحالة الكتابة والمثقفين بره لهم حكايات وحكاوى مختلفة جدًا عن أى حد أو أى مثقف فى أى بلد ثانى هـ نعرف معاه موسى حوامدة وعلاقة الحب اللى جمعته بالكتب.. والناقد فيصل دراج وعلاقته بتراب فلسطين.. وواسينى الأعرج اللى بـ يخيط جراحه باللغة العربية.. والمطوقة أم الشعر الفلسطينى.. ولطيفة الزيات وشعراء وروائيين من كل حتة فى الوطن العربى.

تثقفوا مع بلال وعيشوا حياة مختلفة.

عجبك ؟ جرب

برنامج "ممكن" لخيرى رمضان.

نصيحة 360

برنامج "عصير الكتب" من تقديم بلال فضل، يعرض على قناة العربى، كل يوم جمعة الساعة 11 مساءً، ومن إخراج شهاب المغازى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح