The Definitive Guide to Living in the Capital , Cairo , Egypt

مأمون وشركاه: كوميديا بتوقيع الزعيم

مأمون وشركاه: كوميديا بتوقيع الزعيم

مأمون وشركان مسلسل جديد لعادل إمام هيعرض في رمضان 2016 على إم بي سي مصر حصريًا، في أسباب كتير تخليك لازم تتفرج على المسلسل.. إيه هي الأسباب؟ تعالى نعرفها مع بعض.

 

لأنه الزعيم

عادل إمام، زعيم المسلسلات أو نقدر نقول أنه واحد من أكتر النجوم اللي بنستناهم فى رمضان، علشان نشوف إيه الفكرة الجديدة واللي في الغالب بتكون حاجة كوميدية اجتماعية، بتناقش قضية، لكن فيها تيمة كده بدأت من سنتين مع عادل إمام وهي تيمة (العيلة).

 

محتاجين شوية بهجة

بنرشح المسلسل ده أنه يكون واحد من أهم المسلسلات اللي تتابعوها واللي هياخد نسبة مشاهدة عالية، وده راجع لشهرة عادل إمام والفريق اللي معاه من كبار الممثلين زي لبلبة ومصطفى فهمي، وكمان لحب الناس فى رمضان للمسلسل الخفيف واللي بيقدم وجبة سهلة لكنها بتدي حالة من البهجة، وكفاية دسامة الفطار (مش كده ولا ايه؟).

 

الفكرة حلوة

مع كل التوقعات هنلاقي كفة عادل إمام والكوميديا هي اللي بترجح في الغالب، وكمان الفكرة واضح أنها لذيذة رجل أعمال وغني لكنه بخيل جدًا، يا ترى إيه اللى هيحصل؟ شخصية البخيل بيحبها المصريين من أيام البخيل وأنا لفريد شوقي.

 

شوف إعلان المسلسل

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح