The Definitive Guide to Living in the Capital , Cairo , Egypt

ميكروفون

ميكروفون: الفيلم اللى بقى برنامج على قناة mbc مصر

  • يسرا اللوزييسرا اللوزي
  • اجتماعى
  • من الآن
  • رؤوف السيدرؤوف السيد
تم التقييم بواسطة
Rasha Zeidan
قيم
قيم الآن
ميكروفون: الفيلم اللى بقى برنامج على قناة mbc مصر

من الأول كده كلنا عارفين فيلم "ميكروفون"، طيب بالنسبة للى ما يعرفش يبقى لازم نقول لكم، فيلم ميكروفون بـ يحكي عن خالد اللى بـ يرجع إلى الإسكندرية بعد غياب طويل وبـ يدور على حبيبته وبـ يحاول يرجع علاقته بوالده، لكنه بـ ييأس، وأثناء جولة يائسة في شوارع الإسكندرية، بـ يقابل شبان وشابات منهم اللى بـ يغني الهيب هوب على الرصيف في الشوارع ومنهم اللى بـ يعزف موسيقى الروك فوق سطوح العمارات القديمة، بـ يقابل شباب عايشين على الهامش، بـ يعملوا حاجات مجنونة لكن جواهم فن، والتفصيلة الأخيرة دي هي اللى خلت mbc تفكر تعمل برنامج بـ يهتم بفرق الـ Underground وتكون بطلة البرنامج، يوووه معلش، نقصد مقدمة البرنامج يسرا اللوزي اللى هي هي برضه بطلة فيلم ميكروفون.

وزي ما فيه برنامج كبير وناس بـ تحاول تقلده وتعمل منه نسخة بس على صغير، ولأن الأفكار طيارة، ولأن المعاني ممكن تلاقيها في أي مكان، ولأن البرنامج ممكن أي حد يعمله، إلا أن الموضوع هنا مختلف، لأن البرنامج بـ يتعامل مع الفرق اللى مش مشهورة، هو ده هدفه يعني أنه يشهر الناس اللى مش مشهورين، يحاول يرمي ومضة من النور على الشباب المهمش واللى بـ يحاول يشق طريقه، ويبقى فيه طاقة أمل لهم (مش هي دي فكرة ميكروفون الفيلم برضه ولا إيه؟).

المهم سيبكم من اللى فات، البرنامج من تقديم نجمة مشهورة (يسرا اللوزي) وبـ يبدأ بجزء درامي فيه شوية تمثيل زي حلقة (بلاك تيما وجنات) اللي سألتهم فيه عن العنصرية والفرق بين البيض والسود، والحلقة بـ تمشي في رتم واحد: سؤال وأغنية.

وعلى عكس ما كنا بـ نتمنى البرنامج برضه بـ يدور على المشاهير، يعني الفرق اللى حققت جمهور واللى سمعت في الوسط الغنائي، بس المهم تكون فرق شبابية، وسلم لى على طلبة الإعلام وخريجي كليات الإعلام وسلم لي على الضوء وعلى الأمل اللى لازم يكون في قلب كل مغني ومطرب وفرقة شابة، بـ تدور على الطريق وعاوزة الميكروفون، الحلم في الإعلام بقى صعب، ممكن تحلم أنك تعمل حاجة على اليوتيوب، أو تحلم أنك تبقى مشهور وتظهر مرة في تقرير في برنامج إخباري أو أنك تبقى موهوب وعلى أول السلم وعاوز تتشهر، عذرًا  فالإعلام له اعتبارات أخرى.

عجبك ؟ جرب

شوك تو على mbc مصر.

نصيحة 360

برنامج "ميكروفون" تقديم يسرا اللوزي، ومن إخراج رؤوف السيد، يعرض على قناة mbc مصر يوم الجمعة الساعة 10 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح