The Definitive Guide to Living in the Capital , Cairo , Egypt

واي فاي 3

واي فاي 3: موسم جديد من برنامج موهوب بالفطرة على قناة mbc

  • عبد الإله السناني – أسعد الزهراني – حبيب الحبيب – هيا الشعبي – نورة العميري
  • كوميدي
  • من الآن
  • أوس الشرقيأوس الشرقي
تم التقييم بواسطة
Rasha Zeidan
قيم
قيم الآن
واي فاي 3: موسم جديد من برنامج موهوب بالفطرة على قناة mbc

هو استكمال للجزئين اللى فاتوا: "واي فاي 1 و 2"، هو برنامج سعودي كوميدي ساخر، بـ يطرح عدة موضوعات وقضايا ساخنة بشكل فكاهي، يعني الفكاهة هي المحور الأساسي فيه، والجميل في البرنامج أنه بـ يهتم بالقضايا العربية بشكل عام والسعودية بشكل خاص، والبرنامج عبارة عن مجموعة مشاهد كوميدية تعتمد على تقليد شخصيات إعلامية معروفة أو أسكتشات على أحداث مهمة حصلت أو فيديو انتشر في وسائل الإعلام أو الإنترنت، والمهم  في البرنامج أن ظاهره برنامج بـ يضحك، لكن داخله فيه نقد بناء.

الممثلين هم  الفنان السعودي حبيب الحبيب، جمهوره أطلق عليه لقب "ملك الكاريكاتير، نمر المسرح السعودي"، بدايته مع مسلسل الكوميديا "طاش ما طاش" وهو ممثل كوميدي من طراز فريد وبـ يقدر يقلد أي شخصية.

عبد الإله السناني.. الغريب بقى أنه دكتور جامعة في تخصص علمى دقيق في قسم النباتات، وكمان عضو لجنة تحكيم في مهرجان الجندارية، وبـ يشتغل في التأليف والإخراج.

هيا الشعيبي.. ممثلة كوميدية ودي حاجة صعبة قوي وده سر تميزها، وما حصرتش نفسها في أدوار معينة، لكن قدرت تخلق لنفسها الجو الخاص بها وقدرت تتميز في المجال ده من غير ما تتحط في قالب معين.

نورة العميري.. ممثلة ومغنية كويتية، شاركت في برنامج "ستار أكاديمي" النسخة السادسة بعدها بدأت تغني ولكنها لقيت نفسها في التمثيل أكثر.

أسعد الزهراني.. هو ممثل كوميدي سعودي، غير من مجال عمله الإداري إلى التمثيل علشان يبقى واحد من أشهر الممثلين السعوديين.

طريقتهم في الأداء عالية ودمهم خفيف، وحاجة كده تحس أنها سهراية عائلية، يعني تقدر تتفرج عليها أنت وعيالك وأسرتك، وده أكيد من الحاجات المهمة في البرنامج، وواضح أنهم شاطرين كمان في أداء الشخصيات اللى بـ يلعبوها.

وطريقة التصوير مهتمة بتقليد نفس طريقة تصوير البرنامج اللى بـ يقلدوه، أو المشهد اللى بـ يشتغلوا عليه، وده بـ يعطى مصداقية أكثر للعمل.

سكريبت البرنامج والسيناريو المكتوب متعوب فيه ومن أصعب أنواع الكتابات هي الكتابة الكوميدية اللى بـ تطلع الضحكة من القلب، وتخليك مش قادر تبطل ضحك.

الماكياج بقى برضه عالي وبـ يخليك تتخيل أن الشخصيات كأنها حقيقية أو قريبة من الحقيقة، المزج ما بين التقاليد العربية والتكنولوجيا في "واى فاى" بـ يعمل حالة مختلفة وبرنامج من الجميل أنك تتفرج عليه.

لازم نقول أن المخرج شاطر علشان ما اهتمش بحاجة على حساب حاجة، وهـ تشوف صوت مع إضاءة مع حركة كل ده في سيمفونية واحدة، من غير ما يزعج المشاهد.

عجبك ؟ جرب

ميكروفون.

نصيحة 360

برنامج واي فاي يعرض على قناة MBC، وهو من إخراج أوس الشرقي ومن تقديم عبد الإله السناني، أسعد الزهراني، حبيب الحبيب، هيا الشعبي، نورة العميري، ويعرض على قناة MBC يوميًا الساعة 10:30 مساءً

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح