The Definitive Guide to Living in the Capital , Cairo , Egypt

تليفزيون
وش السعد

وش السعد: الخواجة لما يفلس على قناة mbc مصر

  • محمد سعدمحمد سعد
  • كوميدي
  • من الآن
  • سامح عبد العزيز
تم التقييم بواسطة
Rasha Zeidan
قيم
قيم الآن
وش السعد: الخواجة لما يفلس على قناة mbc مصر

"الخواجة لما يفلس بـ يدور على دفاتره القديمة".. هو ده بالضبط اللى عمله الفنان محمد سعد فى برنامج "وش السعد"، فى العادى إحنا اتعودنا أن سعد بـ يظهر فى كل فيلم بشخصية جديدة، من أول اللمبى لحد فيلم "تك بوم" وكل شخصية من أفلامه لها صوتها وطريقتها المميزة لدرجة أننا نسينا صوته الحقيقى، ما علينا..

نقطة ومن أول السطر.. إيه هو برنامج "وش السعد"؟ هو برنامج كوميدى ساخر (ليلة كوميديا يعنى) الهدف منه قال إيه رسم الابتسامة على وش المشاهدين، البرنامج بـ يتعرض بشكل أسبوعى كل جمعة على قناةmbc  مصر وبـ يتصور على مسرح هيلتون رمسيس، وطبعًا بـ يحضره جمهور.. لحد هنا حلو، مش كده ولا إيه؟

اللى جاى بقى هو اللى مش حلو.. الحلقة الأولى من وش السعد حصل عليها هجوم شديد بقى لنا كثير ما شفناش كده، والهجوم كان على محتوى الحلقة وعلى أداء سعد اللى واضح أنه فلس علشان كده بـ يرجع شخصيات قديمة اشتغلها قبل كده، والبرنامج كان سيء لدرجة أن الحلقة الأولى ما كانتش بـ تضحك أصلًا.. مافيهاش أى نوع من الابتسامة..

الحلقة الأولى كانت الضيفة فيها هيفاء وهبى وكانت مليانة بالإيحاءات الجنسية اللى بـ تخالف تقاليد وأعراف مجتمعنا، وكل القيم اللى اتربينا عليها.. طبعًا هنا لازم نقول أن السوشيال ميديا لها قوتها فى تحريك الأمور وفى الثورة اللى حصلت على البرنامج، لدرجة أن المنتج قلق من اللى حصل، وبدأت تصريحات تطلع من القناة ومن المنتج.. وهو أ/ صادق الصباح اللى قال أنه اجتمع مع الفنان محمد سعد واتفقوا على إجراء بعض التعديلات فى البرنامج من أول الحلقة الثانية، وكمان اتفقوا على وضع مادة كوميدية هادفة، يكون لها أثر على الجمهور وبعيدة عن خدش الحياء.

السؤال طب كان ليه من الأول تعملوا حاجة بجد خادشة للحياء؟.. والناس تهاجمكم.. المهم أداء محمد سعد بطل يضحك الناس، مع أنه للصراحة ممثل شاطر، لكن مش عارفين ليه لما عمل البرنامج قرر "يسف" علينا وبزيادة ويخلينا نقول ليه كده يا سعد، وناس كتير قررت ما تتفرجش على البرنامج وناس تانية ما كملتش الحلقة الأولى.

عمومًا حاولوا يتداركوا الخطأ فى الحلقة الثانية من البرنامج ويعملوا فيه تمثيل بجد ومادة كوميدية لها رسالة علشان يستسمحوا الناس.. ولازم نوجه رسالة للناس.. أنكم أنتم الأصل كل الميديا دى بـ تتعمل لكم أنتم علشان تستمتعوا، ولو ده ما اتحققش قولوا وحركوا الميديا للناحية اللى أنتم عاوزينها، إحنا شايفين أن هو ده الدرس المستفاد من اللى حصل فى برنامج وش السعد.. اللى هـ يطلع يسف على الناس.. الناس هـ تسف عليه، مش هـ تسيبه فى حاله.. والبرنامج مصروف عليه كثير والديكور بتاعه هايل وإخراجه شايفينه عادى ما قدمش جديد قوى يعنى.

عجبك ؟ جرب

برنامج أبلة فاهيتا.

نصيحة 360

برنامج "وش السعد" من تقديم الفنان محمد سعد على قناة mbc مصر، ومن إخراج سامح عبد العزيز، يعرض كل يوم جمعة الساعة 9:30 مساءً.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح