The Definitive Guide to Living in the Capital , Cairo , Egypt

فى وسط العديد من الصفحات اللى بـ تشغل الفيسبوك اتكعبلنا فى صفحة 4BIKE اللى بـ تهتم بـ نشر ثقافة ركوب العجل في جميع محافظات مصر، تختلف الصفحة شكلًا ومضمونًا عن صفحات عديدة بـ تهتم بنفس الموضوع، لأنها ما بـ تقتصرش على محافظة القاهرة فقط، ومش بـ تقتصر على ركوب العجل من باب الترفيه بس، وصل الأمر إلى السفر في أكثر من محافظة لنشر التوعية باستخدام "العجل" كوسيلة من وسائل المواصلات باعتبارها صديقة للبيئة ووسيلة آمنة، ده بجانب استخدامها رياضيًا وترفيهيًا.

بـ تنظم حملة 4BIKE مبادرة شهريًا تقريبًا في كل محافظة، بالإضافة إلى مبادرة أسبوعيًا داخل القاهرة، كما أنها بـ تقوم بـ توفير عجل للى عاوز بالإكسسوارات الخاصة ده غير الإيجار، أخر جولاتهم هـ تكون فى "محمية وادي دجلة" لمدة يوم واحد الشهر ده الموافق 20 فبراير الساعه 7 صباحًا إلى 21 فبراير الساعة 5:30 مساءً.

بـ يدير حملة4BIKE  مجموعة من الشباب بـ يحاولوا نشر ثقافة "ركوب العجل" بطرق كثيرة، منها المواد العلمية المتعلقة بكل ما يهتم "بالعجل" وأهميته ونشره على صفحتهم لتثقيف جمهورهم المهتم بثقافتهم،كما أنهم بـ يتيحوا الفرصة للى عاوز يشاركهم في نشر الثقافة دى عن طريق ملء استمارة في صفحتهم بالطرق اللى تقدر المساعدة من خلالها سواء كان لتصميم "فلايرز" أو لتنظيم الجولات، أو قسم مبيعات الدرجات… إلخ.

رسوم إيجار العجل غالبًا بـ يكون رمزى بـ يبدأ من 45 جنيه للفرد الواحد في الجولة الواحدة، مواعيدهم بـ تبدأ من 7صباحًا وتنتهى جولتهم 11:30 صباحًا فى مكان التجمع، وفي حالة امتلاكك لعجلة خاصة بك تقدر تنضم إليهم بدون أى رسوم، بينما في حالة التجول خارج القاهرة بـ يتم دفع رسوم قيمة الرحلة وإيجار العجلة ورسوم لانتقال العجلة وبـ يكون فى الغالب رمزى كمان حسب المكان والمسافة.

تقدر تحجز عجلتك مع4bike  عن طريق خدمة الموبايل كاش للـ 3 شبكات كالآتى:فودافون كاش 01019259395، اتصالات 01100674696، وموبينيل 01278662680، ضروري تكلمهم قبل التحويل للتأكد من توفر التذاكر المطلوبة على الرقم 01019259395 من الساعه 3 ظهرًا إلى 7 مساءً.

 

وأخيرًا لازم تتبع تعليماتهم بشدة علشان تستمتع بأكبر قدر من جولتك كالآتى:

إحضار أى إثبات شخصية علشان تقدر تستلم دراجتك.

ممنوع التدخين قبل وبعد الجولة مباشرة وأثناء الاستراحات.

يجب الالتزام والإنصات للمنظمين جيدًا.

يجب الالتزام بالحضور في التوقيت والتاريخ المحدد على التذكرة.

 

لكن لو كنت مبتدئ تقدر تسجل بياناتك معاهم للتدريب على "سواقة العجل" وهم هـ يكلموك في أقرب فرصة.

للتواصل ممكن تبعت لهم على الإيميل info@4bikeegypt.com أو شوف موقعهم الإلكترونى، أو صفحتهم على الفيسبوك.