The Definitive Guide to Living in the Capital , Cairo , Egypt

صحة ولياقة

9 أفكار عملية للاستمتاع بـ الويك إند

إجازة نهاية الاسبوع افكار للويك إند الويك إند خروجات الويك إند قضاء الويك إند في البيت
9 أفكار عملية للاستمتاع بـ الويك إند
    بواسطة
    Mohamed Talaat

    إجازة نهاية الأسبوع أو “الويك إند” هي فرصة عظيمة لتغيير الموود، والعودة مرة تانية للشغل -بكل سلبياته وإيجابياته- بروح جديدة ومختلفة. فيه ناس بتحب تقضي الويك إند في البيت، وناس تانية بتحب تخرج وتبسط، ومهما كانت الطريقة اللي بتحب تستمتع بيها في إجازتك، خلينا نعرفك على 9 أفكار لقضاء الويك إند بطريقة مفيدة ومختلفة.

     

    1 – لو بتحب القعدة في البيت ممكن تستغل الويك إند في متابعة حلقات مسلسلك المُفضل أو مُشاهدة فيلم بتحبه، لكن ننصحك تختار أفلام تغير مزاجك للأفضل.

    2 – يوم الخميس، وبعد انتهاء الشغل، انزل لأقرب مكتبة ليك، واشتري كتاب من نوع الكتب اللي بتحبها وقرر تنتهي منه في الويك إند. الكتب بتغير المزاج.

    3 – اعزم أصحابك على أكلة حلوة في بيتك، وبعدها اشربوا مع بعض شاي، ويفضل في البلكونة، وأوعى تنسى البلاي ستيشن! استمتعوا بالوقت مع بعض، واتكلموا عن كل الحاجات اللي بتسعدكم، واضحكوا من قلبكم.

    4 – رحلات اليوم الواحد فكرة مُميزة لقضاء ويك إند بطريقة مبهجة، ويفضل يكون معاك ناس بتحبهم أو حابب تقرب منهم.

    5 – أحلى ويك إند هو اللي ممكن تكسر فيه روتين حياتك وتعمل حاجة جديدة ومختلفة خالص. جرب تروح مكان مُخصص للتسلق أو ركوب الخيل أو أي حاجة تانية معملتهاش قبل كدة.

    6 – النوم ممكن يكون مصدر بهجة على فكرة، استغل ساعات من الويك إند في النوم وريح جسمك وعقلك، علشان تدي جسمك الراحة المطلوبة ويكون مستعد لبداية أسبوع عمل جديد.

    7 – الويك اند فرصة عظيمة للرياضة! اطلع على أقرب جيم لبيتك واعرف تفاصيل الاشتراك.

    8 – اخرج مع الحبيب في موعد رومانسي، واختار مطعم أو كافيه مناسب جدًا للأمر ده، يكون فيه شموع وموسيقى هادية.

    9 – اقعد لوحدك في بيتك على كنبة مريحة وماتعملش أي حاجة، واقفل تليفونك وابعد عن الكمبيوتر! دي طريقة مضمونة للتخلص من الطاقة السلبية.

     

    مقترح