The Definitive Guide to Living in the Capital , Cairo , Egypt

يمكن آرت كورنر يعتبر من أصغر الجاليريات في الزمالك، بس بـ يعوض مساحته الصغيرة بجودة أعماله العالية، وده كان واضح في معارضهم خلال السنتين اللي فاتوا، الجاليري الشهر ده هـ يستضيف معرض مميز بعنوان "أحلام"، وهو معرض جماعي فيه أعمال لثلاث مواهب فنية وهم الفنانين المصريين: رضا خليل وفتحي علي وأيمن فؤاد.

أكيد هـ تلاحظ أول لما تدخل الجاليري وجود ثلاثة ستايلات فنية مختلفة متجمعين في عرض واحد؛ نبدأ مع لوحة لأمين فؤاد بـ يستخدم فيها بعض العناصر المميزة للرسوم الأفريقية من خطوط وأشكال مرسومة بألوان ثقيلة منها اللون الأسود، ولوحة ثانية فيها ألوان مشرقة أكثر بـ تتكلم عن التكنولوجيا، وهي عبارة عن دائرة كهربية، ثاني ستايل في المعرض كان لعلي فتحي ويتميز أنه معبّر أكثر من اللي فات، وبـ يركز على الفن التصويري وعملية تحديد وشوش بطريقة شكلها مخيف ومشوه، ولو وقفت قريب من اللوحة تقدر تلاحظ أثر فرش الرسم الكبيرة المستخدمة لرسم كل لوحة، بـ نشوف في واحدة من لوحاته سيدة بشرتها بيضاء مرسومة بألوان متجانسة، وأضاف علي للصورة خطوط عريضة ألوانها أصفر وأحمر، وجهها نفسه كان مرسوم برمزية شديدة، العينين عبارة عن نقطتين باللون الأسود وخط بسيط من اللون الأحمر لرسم الشفاه.

أعمال رضا خليل في الحقيقة هي اللي خطفت الأنظار بمجموعة من اللوحات المميزة الغنية بالألوان، وتركيزه الأساسي كان على الرسوم الدينية، الفكرة الأساسية لأعماله في المعرض هي جنات عدن، فمثلاً واحدة من اللوحات فيها مشهد رائع لصخرتين كبار أو جبل رمادي، وفي الخلفية نباتات خضراء، وصورة مقبضة في مقدمة اللوحة لسيدنا أدم وحواء واقفين وعلى وشوشهم تعبير قلق واستغراب، على مسافة قريبة منهم فيه ثعبان وسيدنا آدم بـ يحاول يطمئن حواء وهي رافعة رأسها للسماء.

نروح للوحة ثانية واضح برضه أنها في جنات عدن، وفيها آدم وحواء واقفين وسط حيوانات والمرة دي كانوا بـ يبتسموا، الألوان المستخدمة في اللوحة عمومًا كانت زاهية وتبعث على التفاؤل، وممكن نفسرها بأنها مشهد بـ يظهر وصول آدم وحواء للجنة.

صحيح أعمال رضا خليل كانت أبرز حاجة في المعرض، لكن أكيد المعرض ممتع ومحرك للمشاعر، المعرض كمان يتميز بتفاصيل مشوقة مع شكل جمالي لطيف للمجموعة المعروضة.