The Definitive Guide to Living in the Capital , Cairo , Egypt

بينك بيري – Pinkberry

بينك بيري: آيس كريم الزبادي اللذيذ والصحى فى صن سيتي مول

  • داخل صن سيتي مول - مساكن شيراتون
  • ألبان وآيس كريم
  • 01205701119,0224803767
تم التقييم بواسطة
Angie El Batrawy
قيم
قيم الآن
بينك بيري: آيس كريم الزبادي اللذيذ والصحى فى صن سيتي مول

من ساعة ما اختراع الزبادي المثلج Frozen Yoghurt ظهر على الساحة فى القاهرة وإحنا بـ نعشقه، إحنا رحنا أول فرع فتح له بتاع سيتي ستارز وكتبنا عنه مقال نقدي، وبالتالى أثناء تجولنا فى صن سيتي مول وعيوننا وقعت عليه كان لازم نروح ناخده بالحضن.

آيس كريم الزبادي بـ يكون صحى وخفيف على عكس النوع الثاني المعروف، وبـ يكون فيه "مذاذة" كده حلوة تخليك تدمنه، خاصة لو شربته كمان فى "Shakes"، المكان وقت زيارتنا كان فاضى (المول كله عامة ما كانش زحمة)، أحلى حاجة فى ديكور المكان هى الكراسي، رائعة بلونها الأخضر والأبيض، المكان كله بـ يبعث راحة نفسية جميلة بلونه الأبيض المقتبس من لون آيس كريم الزبادي.

الموضوع بكل بساطة عبارة عن خطوات: تختار الحجم اللى عاوزه "الأصلى" (كبير بـ 40، وسط بـ 26، صغير بـ 20)، وفيه Options "الأصلى مع إضافات"، "نكهات"، و"نكهات مع إضافات" أسعارها بـ تختلف، وبعدين بـ تختار يا إما الطعم الأصلى اللى هو الزبادى العادى أو بنكهات: الرمان، الكراميل، المانجو، الفراولة، الباشن فروت، الشوكولاتة أو ممكن تمزج اثنين منهم سوا، وتيجي بعدها مرحلة الإضافات، كل إضافة بـ 5 جنيه، لكن لو اختارت 4 إضافات بـ 12 جنيه. غير الآيس كريم فيه عندهم سموزي وShakes وفيه كمان عبوات للتيك أواى.

عامة الحجم الصغير بنكهة الزبادي العادي بـ ييجي مع أربع إضافات، وحجم الوسط والكبير بـ ييجي مع ستة إضافات اللى عبارة عن اختيارات كثيرة من الفاكهة: التوت، البلوبيري، البلاك بيري، الأناناس، الكيوي والموز، أو من الشوكولاتة أو المكسرات.

طلبنا الحجم الصغير (وهو كافى الصراحة وأكثر لشخص واحد) بطعم الزبادي الأصلى معمول ميكس مع طعم الفراولة، وده الشخص المهذب جدًا اللى كان معانا هو اللى رشحه لنا (ممكن تذوق قبل ما تأخد طلبك) وحطينا عليه بلوبيري مع قطع جرانولا، والثانى طلبناه بالشوكولاتة ممزوج بالطعم الأصلى عليه قطع شوكولاتة كريسبي، الاختيار الأول كان بالنسبة لنا أفضل كثير، طعم الفراولة مع الفانيليا كان أكثر من رائع، بس حسينا كان فيه حاجة ناقصة محتاجة تربط البلوبيري بالجرانولا، صوص مثلًا، بس المكونات كلها فريش وخفيفة ومنعشة، فى حين الشوكولاتة كانت حلوة برضه بس ثقيلة جدًا وما حسيناش فيها بطعم الزبادي المميز، حسينا أنها أقرب للآيس كريم العادى، واللى زود ثقلها اختيارنا لكريسبي الشوكولاتة، كان الأفضل اختارنا إضافة ثانية.

كل اللى نقدر نقوله أن ده أفضل زبادى آيس كريم مثلج ممكن تذوقه، وأحلى حاجة هنا أن الموضوع مش بالوزن زي فى أماكن ثانية، لأن الواحد أيده بـ تأكله وبـ يحط حاجات كثيرة وفى الآخر بـ يتفاجئ بالفاتورة، بس هنا الموضوع تحت سيطرتنا، الحاجة الوحيدة اللى مش تحت سيطرتنا هو حبنا للآيس كريم المجمد اللذيذ فى بينك بيري.

نصيحة 360

شوفوا صفحتهم على الفيسبوك، وموقعهم الإلكترونى كمان.

أحسن حاجة

آيس كريم أصلى رائع.

أسوأ حاجة

الشوكولاتة دسمة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح