The Definitive Guide to Living in the Capital , Cairo , Egypt

كافيهات
كونات – Conut

كونات: فكر جديد للدوناتس

تم التقييم بواسطة
Ramy Soliman
تقييمك
قيم الآن
كونات: فكر جديد للدوناتس

أول ناس عملوا الدونات آيس كريم كون في مصر كانوا رونيز تراك وده كان من سنة فاتت، وبصراحة الموضوع بالنسبة لنا مكانش لطيف. الفكرة دلوقتي إن رونيز طلعلهم منافس جديد وهو “كونات-Conut” اللي بيعمل دوناتس كون حلوة وحادقة.

“كونات-Conut” فتحوا على شارع الحرية هليوبوليس في محل صغير فيه ترابيزة صغيرة وكنبة صغيرة مع كام كرسي، وترابيزة عالية عريضة عليها كام كرسي عاليين وقصادهم حيطة بيضاء عليها رسومات يدوية روعة لثلاث قطع آيس كريم دونات كون. طبعًا الكلام مش مثالي بس الموضوع يعتبر مناسب للناس اللي هتستنى طلبها يخلص وتمشي على طول. هتلاحظوا كمان سبورتين صغيرين؛ هم دول المنيو يا جماعة، واحدة عليها أصناف الحادق والتانية للحلو.

conut-body-2

نبتدي مع الحادق اللي تقدر تملي الكون فيه بهوت دوج أو برجر أو سجق أو فراخ مشوية، أو خليك زينا واختار تشيكن ستريبس (40 جنيه) وعليها جبنة زيادة (5 جنيه). الكون أو المخروط نفسه كان سميك شوية وله قوام زي البيجل، وعجبنا كمان النكهة اللي عملتها قطع الزيتون الأسود. مافيش شك إن الجبنة السايحة كانت هايلة في نص الكون، بس المشكلة إنها ماكانتش سايحة على الوش، وكمان الستريبس كانت مملحة جدًا وناشفة ومحتاجة شوية صوص مارينارا يلطفوا الموضوع شوية.

على أمل إن حظنا يطلع حلو مع الحلو، قررنا نطلب واحدة كونات (30 جنيه) وواحدة كونات شوكولاتة (35 جنيه).

conut-body-1

الدونات المعمولة على شكل مخروط كانت ملفوفة في سكر بالقرفة، والعجينة نفسها خفيفة جدًا وطرية ولها لون ذهبي جميل. المشكلة إن الآيس كريم كان ساح خلاص وكمان السطح الداخلي للكونات مش متغطي من جوه بالشوكولاتة زي ما هو مفروض – ودي حاجة كتير من محلات الحلويات في القاهرة بيهملوها –ومن هنا عرفنا ليه الكون بيسرب الآيس كريم وسر تقديمهم الكون في كوباية بلاستيك شكلها أي كلام. أما الشوكليت كونات فكانت كويسة جدًا، بس بتكون ملفوفةفي قطع شوكولاتة. لو كنت من عشاق الشوكولاتة أطلبها من غير تفكير!

تجربتنا بشكل عام مع كونات ليها وعليها. يعني المكان نفسه بسيط والأجواء عادية، والدونات كون معمولة صح بس الحشو بتاعها محتاج إعادة تقييم.

نصيحة 360

الكونات الحادقة كبيرة لدرجة إنها ممكن تكفي فردين.

أحسن حاجة

طعم الكون نفسه حكاية.

أسوأ حاجة

الآيس كريم السايح والفراخ الناشفة مش معقول يا جماعة يعني! وكمان الإضافات ماكانتش على المستوى يومها.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح