The Definitive Guide to Living in the Capital , Cairo , Egypt

كافيهات
يوروب كافيه – Europ Cafe

يوروب كافيه: حلويات ممتعة ومشروبات محتاجة تضبيط في بلو بلو المنيل

  • 123 شارع عبد العزيز آل سعود
  • عصائر
تم التقييم بواسطة
Nagla Ashraf
قيم
قيم الآن
يوروب كافيه: حلويات ممتعة ومشروبات محتاجة تضبيط في بلو بلو المنيل

"بلو بلو" فى المنيل بقى بالنسبة لنا متنفس جميل لاكتشاف أماكن لها طلة مختلفة على النيل مع أكل متوسط المستوى، وزرنا أكثر من مكان هناك زي Volo’s وGraffiti وNivada. بس النهارده في زيارتنا لكافيه يوروب – Europ نظرتنا اختلفت أكيد.

فيه مشكلة أساسية في أغلب الكافيهات اللي في "بلو بلو" اللي في مكان مفتوح، وهي خاصة بغير المدخنين، طبعًا هي الشيشة، اللي بـ تقضي على حريتك في أنك تتنفس هواء نظيف، وعلشان نتخلص من المشكلة دي دخلنا في المكان المغلق الخاص بـ يوروب مع التكييف، والهدوء والهواء النقي.

المنيو بشكل عام متنوع جدًا، والأسعار معقولة، المشكلة الوحيدة اللي واجهتنا أن الطلبات كلها كانت فعلًا بـ تتأخر جدًا، بطريقة مرهقة، خاصة بقى لو طلبت وجبة رئيسية مش مجرد حلو أو ساندويتش، ممكن تفضل تنتظر وتنتظر إلا ما لا نهاية.

طلبنا من قائمة المقبلات Nachos Chicken بـ 32 جنيه، ومن ضمن قائمة الأطباق الرئيسية طلبنا Euro Seafood وده المفروض أرز بالجمبري والكاليماري والأناناس وسعره 106 جنيه، وكنا متحمسين أننا نذوقه جدًا، كمان طلبنا ساندويتش Turkey Chicken وسعره 32 جنيه. وكنا لازم نجرب الحلو عندهم اللي كان متنوع جدًا، فطلبنا فطيرة تفاح بـ 25 جنيه ومعاها آيس كريم فانيليا بـ 10 جنيه، ومن قائمة المشروبات طلبنا مشروب هاواي بـ 27 جنيه، وسموزي ليمون بـ 28 جنيه.

طيب الحقيقة أننا كنا مجموعة كبيرة، وده أعطى لنا اهتمام خاص، كمان هم بشكل عام خدمتهم ودودة جدًا وصبورة، ودول أهم ميزتين في التعامل مع عدد كبير من الزبائن في وقت واحد، إحنا أول ما طلبنا المقبلات، كان فيه حاجات كثيرة نزلت، عارفين زي بلاد تشيلنا وبلاد تحطنا، لدرجة أن الساندويتش اللي صحابنا طلبوه قبلنا وصل قبل الناتشوز، صبرنا لأن تقريبًا المطبخ بعيد عن الكافيه، ووصل بعد عناء، الناتشوز بس كان مختلف عن أي ناتشوز جربناه في حياتنا، كل قطعة عليها خضروات وقطع دجاج وموتزاريلا، طعمها كان تحفة، ومعاهم صوص باربكيو، وزبادي. المشكلة الوحيدة أنها جاءت باردة، وده أزعجنا جدًا أنه بعد الانتظار الطويل ده الأكل ييجي بارد.

بعد فترة ثانية طويلة من الانتظار يورو سي فوود جاء، سخن وجميل ورائحته ملأت المكان، وطعمه فعلًا كان حلو قوي، إضافة الأناناس كانت مميزة، هو ممكن كان محتاج الصوص يبقى أزيد شوية بس غير كده، الطعم كان ممتاز، كمان الساندويتش Turkey Chicken كان طعمه مضبوط، ممكن قطع الفراخ محتاجة تتبيل أكثر من كده، بس بشكل عام الساندويتش كان مقبول.

بس أجمل حاجة أكلناها وكانت مميزة بجد Apple Pie، بـ تُقدم سخنة مع بولة آيس كريم من اختيارك، فاختارنا الفانيليا طبعًا، وكانت وهمية في جمالها، العجينة هشة وسخنة، مع خليط التفاح بالقرفة، وإضافة الآيس كريم اللي بـ تخفف من حدة السكر، حاجة خيال من جمالها. أما بالنسبة للعصائر، عصير الهاواي وده عبارة عن سفن أب مع نعناع وأناناس كان منعش ولذيذ، لكن سموزي الليمون اللي تأخر جدًا برضه لدرجة أننا كنا هـ نسيبه ونمشي، ما كانش سموزي إطلاقًا، بس من غير ما نتكلم، لقينا الجرسون جاب لنا واحد ثاني وبـ يعتذر لأن الأول كان مش مضبوط والحركة كانت كفيلة بإرضائنا.

بشكل عام يوروب كافيه لطيف جدًا للأكل والحلويات، بس المشروبات مش تخصصه قوي، وإن كانت مقبولة.

نصيحة 360

تابعوهم على صفحتهم على الفيسبوك.

أحسن حاجة

فطيرة التفاح.

أسوأ حاجة

التأخير في الطلبات.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح