The Definitive Guide to Living in the Capital , Cairo , Egypt

كتب
أرض الإله

أرض الإله: سر أحمد مراد الجديد

  • أحمد مراد
  • روايات
  • من الآن
  • عربي عربي
  • 50 EGP
  • مكتبات وسط البلد.. مكتبة ديوان.. ألف.. الشروق
تم التقييم بواسطة
Ahmed Abd El Gawad
قيم
قيم الآن
أرض الإله: سر أحمد مراد الجديد

محدش فينا مايعرفش مين هو أحمد مراد، مع أنه بدأ كتابة من فترة طويلة، لكن نقدر نقول أن شهرته بدأت من 2013 لما أخد جائزة البحر المتوسط الثقافية من إيطاليا، عن روايته فيرتيجو اللي طبعها عام 2007 وبدأت شهرة مراد رواية وراء التانية، وفرتيجو كسرت الدنيا واتعملت مسلسل، ومن بعدها الفيل الأزرق اللي اتعمل فيلم ونجح جدًا، واترشحت الرواية للبوكر سنة 2014.. وأخيرًا طلع لنا مراد بالعمل الأخير أرض الإله.

الرواية:

من أول يوم نزلت الرواية وإحنا جبناها وتابعنا اللي بيحصل على السوشيال ميديا، حروب مش عايز أقولكم عليها، ناس معاه قلبًا وقالبًا.. قبل ما يقروا الرواية كانوا عاملين لها تقييم 5 من 5، أعلى تقييم يعني، وناس تانية ضدها قبل ما يقروها برضه، وقعدوا يتريقوا على الغلاف وفكرتها، طب إيه القصة بقى؟

القصة:

مش هنحرق الرواية أكيد بس القصة كلها بتدور حوالين حالة من الشغف في أرض المصريين القدماء وتحديدًا عن نص من نصوص الجبتانا اللي بتحكي قصة الخلق المصرية وفيها من المعارف والعلوم ما فيها.. واللي اختفت بعد ما اتقتل الكاهن المسؤول عن نسخها من الصدور إلى ورق البردي.. ودنيا تانية بقى وعوالم مختلفة وزمن غير الزمن، ومطاردات ونفسك بيجرى مع كل حالة بتحصل جوه الرواية، عشان تتعرف على الآثار والكتب المصرية القديمة، القصر والناس والمكتبة والمعبد والغانيات واليهود والمصريين واليونايين فى حبكة لازم نقول إنها معمولة حلو جدًا… والهدف هو (السر).

الحبكة:

بيتميز أحمد مراد بالحبكة يعني رواياته فيها حبكات حلوة ومدروسة كويس وملعوبة حلو كمان، الراجل بيتعب في الكتابة صراحة، مع أن فيه نقاد قالوا إن الرواية الأولى له فيها شبه من قصة أوربية تانية، لكن اللي يعنينا في الموضوع هو هل وفق مراد فى روايته ولا لأ؟.. مش بنعتمد على رأي الناس، وإنما بنعتمد على قرايتنا إحنا.. يعني شايفين الموضوع إزاي من وجهة نظرنا.. من غير ما نكون ضد ولا مع.. لازم نقول أن مراد ظاهرة، من أول ما عمل برومو الرواية (وهو مش أول حد) بس البرومو معمول بتقنية حلوة، لحد ما أعلنت الشروق أن شراء الرواية بالحجز، وده طبعًا خلى الناس تستنى الرواية أكتر.. يعني كان في حالة من الترويج الثقافي كان في صالح الرواية، ولازم نقول أن لغة الكاتب جيدة للغاية وسرده جاي في محله، وتتابع الأحداث بيخليك متابع ومركز، والغلاف طبعًا عارفين، صورة ومعمول عليها تصميم حلو، ومراد مفتون بالصور.. عارفين ليه؟.. اللي يعرف يكتب كومنت ويقولنا.. أهم حاجة متكونش الإجابة عشان هو أصلًا مصور.

عجبك ؟ جرب

 1919 لنفس الكاتب.

عن الكاتب

أحمد مراد كاتب مصري، تخرج من المعهد العالي للسينما، صدر له روايات فيرتيجو، ورواية تراب الماس، والفيل الأزرق، اللي تم اختيارها ضمن جائزة البوكر القصيرة، وأخيرًا رواية 1919، وروايته الأخيرة أرض الإله.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح