The Definitive Guide to Living in the Capital , Cairo , Egypt

العاشق النذل

العاشق النذل: الصورة بكل تفاصيلها

  • أيمن علم الدين
  • من الآن
  • عربي عربي
  • 10 جم
  • مكتبات وسط البلد
تم التقييم بواسطة
Rasha Zeidan
قيم
قيم الآن
العاشق النذل: الصورة بكل تفاصيلها
كلام فى الممنوع دى أول حاجة هـ تحس بها، لما تبدأ بس تقرأ المجموعة القصصية “العاشق النذل” للكاتب أيمن علم الدين، وربنا يسترها لما ندخل فى الغويط، المجموعة فيها 12 قصة بـ 12 حكاية مختلفة عن الناس والعلاقات اللى بينها: “العاشق النذل، والخائنة، والملكة، وحوار، والمرتزقة، وصديقى سعد و4 حكايات، والمراية”.

البداية كانت مع “العاشق النذل” واللى بـ تحكى عن بنت بـ تسكن فى حى متواضع لكنها أميرة فاتنة، واللى عايشة مع أب وأم شبه منفصلين لزواج والدها من زوجة ثانية، حكايات بـ تحصل والبنوتة الجميلة بـ تتعرف على ولد بـ يحاول يغويها، وبـ تتطور الأحداث ومجدى بطل القصة (العاشق النذل) هـ يتزوج سالى (البنوتة الجميلة) لكن ده حصل إزاى لازم تروحوا لمجموعة علم الدين وتقرأوها.
عاوزين نقول لكم أن علم الدين عنده قدرة عالية فى اختيار أسماء قصصه، يعنى مجرد ما تقرأ اسم قصته ده لوحده يشدك أنك تقرأها، وبجد له أسلوب قوى وصريح جدًا فى قصصه، يعنى بـ نحذركم وأنتم بـ تقرأوا القصص ما حدش يقرأها أمام والده، لكن عاوزين نقول لكم أن الكاتب بالفعل قوى ومميز، هو بس لما بـ ينقل الواقع بـ ينقله زى ما هو بالضبط لا بـ يزود ولا ينقص، يعنى صريح جدًا.

اللغة عند أيمن علم الدين شيقة لأنه بـ يعرف يختار ألفاظه اللى بـ تعبر بشكل كبير عن قدرته على رسم صورة تشدك وتدغدغ مشاعرك.
أما لو بصيت على آخر قصة “المراية” فهى قريبة جدًا من قصة فيلم “آسف على الإزعاج” لكن الفرق أن المراية صاحبها مش مصدق أن شعره خف شوية، بقى أبيض حبتين أما أحمد حلمى فى الفيلم مش مصدق أن أبوه مات لكن للأسف مرايتنا دائمًا بـ تقول الحقيقة وده اللى القصة بـ تقوله.
المجموعة فى مجملها جيدة ممكن تقرأها كذا مرة فيها عن العشق، والخيانة، والعلاقات اللى بين الناس.

عجبك ؟ جرب

مجموعة "ألبوم الأموات" لنفس المؤلف.

عن الكاتب

قاص مصرى، صدر له مجموعة "ألبوم الأموات، والعاشق النذل"، يعمل معدًا فى التليفزيون المصرى، ونشرت أعماله فى العديد من الصحف والمجلات.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح