-
عمار علي حسن
-
واقعية
-
من الآن
-
عربي عربي
-
5 جم
-
مكتبات وسط البلد، وعند بائعي الكتب
Cairo 360
في الكتاب ده بـ يعرض عمار علي حسن بطريقة جذابة ومميزة جانب من حياة نجيب محفوظ اللي ما حدش فينا يعرفه، قراءة خاصة بالدكتور عمار لأعمال وحياة نجيب محفوظ بـ يقول لنا من خلال الكتاب ده إزاي قرأ نجيب محفوظ، وإيه الملاحظات الشخصية اللي كانت عنده، حسينا من خلال القراءة أنه بـ يساعدنا نفهم نجيب محفوظ أكثر بصفته “المعلم الأكبر” في عالم الرواية، إزاي كان بـ يفكر في نفسه وفي الناس، إزاي كان أمين في طرح كثير من الأفكار والأحداث اللي مرت في عهده، إزاي كان بـ يعبر عن وجهات نظره من غير تجريح، وإزاي كان بـ يكتب بلغة محترمة بعيدة عن الإسفاف، وبعيدة عن الأسلوب اللي ممكن يكون مش مفهوم.
الكاتب بـ يقول أن أهم حاجة من وجهة نظره في أعمال نجيب محفوظ كلها أنها تعتبر وثيقة اجتماعية وسياسية للمرحلة اللي كان بـ يعيشها، لدرجة أن القارئ يقدر يعرف تاريخ مصر ويقرأه بعناية من خلال أعمال نجيب محفوظ، من أول رواياته التاريخية الثلاثة الأولى اللي تكلمت عن تاريخ مصر في عهد الفراعنة، وباقي رواياته اللي تابعت تاريخ مصر على مدار الرؤساء الثلاثة، جمال عبد الناصر وأنور السادات ومحمد حسني مبارك، المؤرخين كلهم بـ يؤكدوا أن أعماله تاريخ في حد ذاتها، لكن مكتوب بصياغة أدبية.
أحلى حاجة في الكتاب البساطة والوضوح في تقديم عملاق زي نجيب محفوظ، لكن في نفس الوقت كان لنا بعض الانتقادات زي أن الكاتب ختم كتابه بمجموعة فصول عن كُتاب زي إبراهيم عبد المجيد، وبهاء طاهر، وغيرهم اعتبرهم أبناء نجيب محفوظ، حسينا أن الموضوع افتعالي، وأن العلاقة بين الفصول مش قوية قوي، كان ممكن ينزل كتاب منفصل يتكلم فيه عن الكُتاب دول لوحدهم.