The Definitive Guide to Living in the Capital , Cairo , Egypt

حليب أسود

حليب أسود: إبداع جديد لإليف شافاق

  • سير ذاتية
  • من الآن
  • عربي عربي
  • 60 EGP
  • مكتبات وسط البلد
تم التقييم بواسطة
Rasha Zeidan
قيم
قيم الآن
حليب أسود: إبداع جديد لإليف شافاق

إليف شافاق مش مجرد كاتبة، دي مبدعة، يعني واحدة كُتبها بتحقق ملايين المبيعات، منتشرة جدًا، ولما نيجي نكتب عن إليف يبقى لازم نكون هادىين ومركزين قوي، إليف فاهمة يعني إيه كتابة، ولما تيجي تقرأ رواية لها، بتدخل جوه الرواية وتعيش كل حاجة فيها.

النهارده مش بنكتب عن رواية لها، النهارده بنكتب عن حليب أسود، عن مذكرات إليف، اللي كتبتها بعد الولادة، هي مش مجرد تجربة اكتئاب بعد الولادة واللي الستات بيبقوا عارفينه كويس، أو حتى سيرة ذاتية لأم ومبدعة وروائية، هي تجربة جديدة على المرأة اللي تلد الكلمات، لما تلد الأطفال، والصراع ما بينهم ممكن يبقى عامل إزاي.

لأن حالة السلام والصفاء والرضا كلها بتختفي مع الولادة، وبتظهر اهتمامات تانية بطلها الطفل نفسه، والكتاب خفيف وممتع بتتكلم فيه عن تجربتها براحة من غير ما تحاول تزوق في الكلام، بتكتب ببراءة شبه براءة أفلام الكارتون اللي بتخلي كل الناس جميلة وأبرياء وتخليك تتعاطف مع كل الناس.

المترجم أحمد العلي اللي ترجم مذكراتها شاطر جدًا ولغته هايلة، وواضح أنه يعرف إليف كويس كمان، علشان هو بيحكي عنها وبيحكي عن مواقفها معاه، هي وجوزها، واللي بيعتبره راجل عظيم، وخلف كل امرأة عظيمة رجل، هو شايف كده لأنه بيدعمها دايمًا ومش متضايق من شهرة مراته، بالعكس هو بيحضر معاها كل حاجة من ندوات ولقاءات وبيخاف عليها، أجمل حاجة للست لما تلاقي راجل يخاف عليها..

اللغة ممتعة جدًا في حليب أسود والحكايات اللي ما بين الخيال والواقع، وكمان الحكايات اللى بتحكيها إليف جوه نفسها، في حوارها مع الصوفية الدرويشة اللي جواها.. وكأنها أسيرة وهي بتحررها، والجمل اللي هتلاقوها لها علاقة بالسياسة والثقافة وغاندي والحروب والتصوف وحاجات كتير كل ده بيجبرك تقرأ وأنت مستمتع طول الوقت..

بتحكي إليف في حوار مع نفسها بيظهر فيه قد إيه هي متعددة الشخصيات، بتتكلم عن الناس اللي ماشية ومعديين والعربيات والحياة وكل مظاهرها، وبعدين بتتكلم عن نفسها وإزاي فيها نص شرقي ونص غربي، وإزاي هي امرأة من عالم الخيال وعايشة الواقع، وقد إيه اكتئبت وأحبطت من الناس والصداقات الغلط، والعبارات الكبيرة اللي مالهاش لازمة، وعلاقات الحب الغلط، ومع كل اللي فات ده لسه جواها تعب ووجع أنها كبرت من غير أب جنبها، مع أنها كسرت قلوب، لكن قلبها اتكسر كتير.. بتختم كتابها عن رواية قواعد العشق الأربعون لما خلصتها وانقطعت فترة طويلة عن الحياة علشان كانت حامل في بنتها (شهرزاد) وإزاي بدأت ترجع تاني للحياة، لكن جاء حملها التاني وبقى معاها أمير زاهر، واللي اسمه أمير علشان التراث العربي، وزاهر على اسم رواية لباولو كويلهو..

عجبك ؟ جرب

لقيطة استانبول لنفس الكاتبة.

عن الكاتب

إليف شافاق كاتبة تركية وصلت إلى العالمية من خلال ترجمة روايتها "قواعد العشق الأربعون" وصدر لها عدة روايات منهم "لقيطة استانبول" و"حليب أسود" و"قصر القمل" ترجمت كتاباتها إلى أكثر من 30 لغة على مستوى العالم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح