The Definitive Guide to Living in the Capital , Cairo , Egypt

مين اللى قال أن عصر الملوك ولى وراح؟ مصر ولادة يا جماعة، كل رئيس جاء بعد الملك فاروق عمل نفسه أو إحنا عملناه ملك علينا يأمر يطاع.. يطلب فـ يُجاب… لكن يا ترى الملك فاروق ده وحش قوى زى كل وسائل الاعلام والدراما ما صورته أنه زير نساء وخزينة الدولة كانت فى جيبه وحريف لعب قمار
وسكير وكده؟

فاروق، وشقيقات فاروق، وسيرة موجزة لزوجات فاروق… وغيرها”.
تعالوا بنا نعرف من الأول كده سلسة نسب الملك، هو فاروق بن فؤاد بن إسماعيل بن إبراهيم محمد على ابن محمد على باشا الكبير، أما عن طفولته هو ما كانش عنده طفولة أصلاً لأنه ولى العهد المنتظر، وتربى على يد مربيتين إحداهما صارمة والأخرى حنونة وكان مسموح له برؤية أمه فى ساعات محدودة،
وطبعًا كان ممنوع يلعب مع أطفال علشان كده طلع انطوائى.
وشقيقاته عدوهم معانا: الأميرات فوزية، وفايزة، وفائقة، وفتحية، أمبراطورية “ف”، وعلى فكرة الأميرة فوزية لسه عايشه فى الإسكندرية وعندها 89 سنة، وملحوظة ثانية الأميرات كلهم زى القمر وده واضح من الصور وكمان الملك فاروق وهو صغير كان حلو قوى.
أما عن حريم الملك فهما الملكة فريدة وأنجبت منه الأميرة “فريال، وفوزية، وفادية” ومش عارفين إيه حكاية حرف (ف) مع العائلة دي، والزوجة الثانية الملكة ناريمان أنجبت له ولى عهده أحمد فؤاد الثانى، والزوجة الثالثة إيرما كابيشى مينوتولو وهى مغنية الأوبرا الإيطالية.
وعن علاقة فاروق بأمه فكان لسان حال فاروق بـ يقول: “يعملوها الكبار ويقعوا فيها الصغار” الموضوع بـ يرجع للكبت اللى عاشته نازلى مع فؤاد بسبب فرق السن اللى بينهم وده اللى خلى عيارها يفلت بعد موته والرحلة بـ تخلص بمشهد رحيل الملك فاروق من مصر وإزاى أنه ما كانش غنى ولا حاجة هو خرج
من مصر بـ 5 آلاف جنيه وحساب فى البنك بـ 20 ألف جنيه وطبعًا دول خلصوا بسرعة وبعدها حل فاروق ضيف على إمارة موناكو.. وهـ نسيبكم بقى تكملوا الرحلة لوحدكم وتعرفوا تزوج مين ثانى وتوفى إزاى.
نصيحة..الكتاب مرعب هـ يأخذك معاه فى رحلة مش هـ تقدر تنزل منها بمزاجك، هـ تنزل بس فى آخر محطة عند مشهد الرحيل.