The Definitive Guide to Living in the Capital , Cairo , Egypt

رافى بركات

رافى بركات: رواية عن الشباب والمغامرة والتحدى لعمرو خالد

  • روايات
  • من الآن
  • عربي عربي
  • 50 EGP
  • مكتبات وسط البلد، ومكتبات نهضة مصر
تم التقييم بواسطة
Ahmed Abd El Gawad
قيم
قيم الآن
رافى بركات: رواية عن الشباب والمغامرة والتحدى لعمرو خالد

مقدمة لا بد منها.. المعايير:

أنك تكتب رواية للشباب معناها أن كلها حركة أو حب أو عاطفة مش هما دول الشباب دلوقت.

الرواية الشبابية معيارها الأساسى التفكير بدماغهم فقط لا غير.

علشان تعرف تكتب رواية قوية لازم تقرأ كيف تكتب رواية لجابريل جارثيا ماركيز.

عمرو خالد لغته حلوة مافيش كلام.

عمرو عاوز يوعى الشباب وهو ده مشروع حياته.

 

سنة حلوة:

"سنة حلوة يا جميل" دى الجملة المحورية فى بداية الرواية اللى بـ تحكى عن "رافى" الشاب اللى توفى والداه وعايش حياة خالية من العاطفة فقرر يقضى عيد ميلاده فى بيت أبوه المهجور علشان يشوف رؤية هناك على جناح طائر العنقاء مبعوث له رسالة ملخصها.. "ايقظ قواك الخفية".

 

الموضوع:

الموضوع عند عمرو خالد فى الكتابة الآتى:

عمرو خالد بـ يحب الشباب قوى فـ قرر يكتب لهم حاجة قريبة قوى منهم بس المشكلة أنها بقيت قريبة بزيادة فـ بعدت عنهم، بمعنى أن المباشرة اللى لعب عليها عمرو خالد عملت مشكل فى التلقى، ما بقاش فيه حد بـ يلعب على المباشرة كده.. حتى اللى بـ يكتب واقعى جدًا بـ يجرب فيه، فما بالك أن الرواية خيالية أو أقرب للواقعية السحرية.

الوصف عند عمرو خالد بـ يخليك تتأكد أنه يمتلك موهبة الوصف وبـ يحاول يوصل لطبيعة الشخصية لكنه بـ يستخدم الراوى العليم بزيادة، يعنى راوى عارف كل حاجة فى الشخصية وكل تفصيلة وده ما بـ يعطيش للقارئ فرصة للتفكير.

الرواية رايحة ناحية سكة التنمية الذاتية قوى يعنى أقوال مأثورة وخطط لتنمية الذات ونصائح.

عمرو خالد حب يحط منهجه فى التفكير ورؤيته للشباب فى رواية فطلعت مش رواية بس لكن كمان كتاب ودليل علشان تبقى حياتك أفضل.

الرواية على الرغم من أنها واقعية سحرية لكن واخدة الجو الدينى ومنطق النصح والمباشرة فى كل اللى فات.

من الحاجات اللى هـ تستمتعوا بها فى الرواية المقولات اللى من عند عمرو خالد أو من الآخرين زى نص خطبة نيلسون مانديلا.. "أرجو أن تنصتوا إلى.. لقد سرت على الدرب الطويل للوصول إلى الحرية والنجاح، وحاولت ألا أفقد حماسى، ولقد قمت ببعض الخطوات الخاطئة على طول الطريق، ولكنى اكتشفت السر أنه بعد تسلق جبل عظيم يجد المرء أن هناك جبالًا أخرى كثيرة ينبغى له أن يتسلقها".

 

كلمات مهمة كثيرة هـ تلاقوها:

"تراب الوطن غالى وأى تفتيت لأرض بلدنا فى مصر أو المغرب أو الشام أو الخليج هو شر"

"فرص الحياة بعدد أنفاس البشر لمن يبحث عنها بإصرار"

"فقر القادر على العمل عجز وكسل"

"كل كتاب كأنه بئر بترول جديد تحفره فى عقلك يفتح لك كنوزًا وكنوزًا"

 

عن الشباب والتكنولوجيا ولعنة الفراعنة والخير والشر والمقولات الحكيمة والتنوع الإنسانى عن رافى بركات اقرأوها ومستنيين رأيكم.

عجبك ؟ جرب

"كيف تكتب رواية"لجابريل جارثيا ماركيز.

عن الكاتب

د.عمرو محمد حلمي خالد داعية إسلامي ومفكر مهتم بالإصلاح الاجتماعي ويعرف باسم "عمرو خالد"، أقام العديد من اللقاءات وقدم العديد من البرامج التليفزيونية، وصدر له عدد كبير من الكتب الدينية وأول رواية له بعنوان "رافى بركات".

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح