The Definitive Guide to Living in the Capital , Cairo , Egypt

كتب
رحلتي

رحلتي: سيرة ذاتية مشوقة

  • د. جورجيت سافيدس
  • سير ذاتية
  • من الآن
  • عربي عربي
  • 50 EGP
  • مكتبة الكتب خان
تم التقييم بواسطة
Shaymaa El Gammal
قيم
قيم الآن
رحلتي: سيرة ذاتية مشوقة

“أدرك كيف أن الأشياء التي كانت تجعلني أبكي، أصبحت أضحك منها. وكيف ما كنت أخجل منه يومًا، أصبحت صريحًة بشانه الآن. أدركت أن رحلة اكتشاف ذاتي جميلة على الرغم من أنها مليئة بالدموع والضحك، إنني أعني هذا بالفعل عندما أقول إن الأمر يتطلب منا مزيدًا من الشجاعة لمواجهة مشاكلنا، بدلا من الاختباء منها”. على الغلاف الخلفي لكتاب رحلتي للدكتورة جورجيت سافيدس، هتقرأ الجملة دي اللي بتلخص فكرة الكتاب بشكل كبير. كتاب “رحلتي” هو كتاب يروي سيرة حياة سيدة عادية لكن حياتها غنية وفيها اللي يتسحق يتكتب. طفولة مختلفة، مهنة مليانة تفاصيل، وسيدة بتشتغل دايمًا على نفسها علشان تكون شخص أفضل، أكيد كل ده هيخرج منه سيرة ذاتية ممتعة، سهلة ممتنعة.

أفضل أنواع الكتابات في رأينا هي كتابة الناس عن حياتهم وتفاصيلها ووجهة نظرهم فاللي بيحصل حواليهم وتحليلهم الشخصي لمشاعرهم. إحنا مؤمنين إن كل شخص مهما كانت حياته تبدو عادية من برة، لكن تفاصيلها والمشاعر اللي فيها لو اتكتبت بشكل حلو، ممكن تكون مسلية ومشوقة ومفيدة، زي أي فيلم سينمائي، وده اللي حسيناه واحنا بنقرأ الكتاب دة.

الكتاب متقسم لست أجزاء. بتدي فيهم الكاتبة للقارئ خلاصة تجاربها في الحياة. من خلال  قصة حياتها واللي اتعلمته وشافته بنفسها كطبيبة نفسية. الكتاب فيه مواضيع حلوة زي إن حب الذات مش معناه الأنانية، والعلاقات المنتهية مش معاناها الفشل، والتنشئة المشوشة مش عار، والاعتداء الجنسي مش تابو.

من أكتر الأجزاء اللي حبيناها، الجزء اللي بتتكلم فيه د. جورجيت عن حياتها الزوجية بشكل جميل. فيه أمل، وبيدي فكرة إيجابية وحلوة عن الجواز والحياة الأسرية. والجميل إن الدكتورة بتحكي القصة بشكل رومانسي، وبدراما ورومانسية تليق بأفلام عبد الحيم حافظ.

المترجمة هبة ربيع ترجمت الكتاب بشكل يخليك تحس إنه مكتوب أصلا باللغة العربية. وقدرت تنقلّك المشاعر والأحاسيس بلغة سهلة بسيطة وأنيقة في نفس الوقت، وده فيه مهارة كبيرة من المترجمة.

يُحسب لدكتورة جورجيت جرأتها وثقافتها اللي ساعدت إنن الكتاب ده يبقى فيه تجارب إنسانية حقيقة، ومشاعر واضحة وتفاصيل صغيرة حلوة، واعترافات جريئة مش كتير بنلاقيها في الكتابات الذاتية للسيدات.

الكتاب مسلي وممتع وإنساني ومناسب كمان للقراء الجدد.

 

عجبك ؟ جرب

إسكندرية –بيروت للكاتبة نيرمين نزار

عن الكاتب

د. جورجيت سافيدس، أخصائية نفسية مصرية من أصل يوناني. تخصصت في دراسة علم النفس بالجامعة الأمريكية وحصلت على شهادتي الماجستير والدكتوراه في نفس المجال من جامعة سيتي سنة 2004 ومن جامعة جنوب كاليفورنيا سنة 2012. عندها مركز خاص لخدمات الصحة النفسية والتدريب ورئيسة القسم النفسي في مستشفى 57357 لعلاج سرطان الأطفال. هبة ربيع، مترجمة وصحفية وباحثة إعلامية. حاصلة على دكتوراه في الإعلام من كلية الآداب جامعة عين شمس.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح