The Definitive Guide to Living in the Capital , Cairo , Egypt

كتب
رسول القمر

رسول القمر: رواية مختلفة شكلاً وموضوعًا

  • روايات
  • من الآن
  • عربي عربي
  • 25 EGP
  • مكتبات الشروق ووسط البلد
تم التقييم بواسطة
Rasha Zeidan
قيم
قيم الآن
رسول القمر: رواية مختلفة شكلاً وموضوعًا

اللى ما يعرفش فيلم “نارنيا” نحب نفكركم به.. نارنيا عالم خيالى جدًا بـ يدخله مجموعة أولاد عاديين فى عالم الأرض.. لكنهم من سلسال الملوك فى نارنيا بـ يحاربوا وحوش وحيوانات وكائنات أسطورية وبـ يهزموا ساحرات وبـ يصاحبوا “رسلان” الملك الأسد اللى على حق.

فى نفس العالم الخيالى لعبت ضحى صلاح.. خارج الصندوق بجد، “رسول القمر” رواية مختلفة شكلاً وموضوعًا عن شكل الرواية اللى تعودنا عليها.. خذ عندك الأبطال هم:

ماو.. هيرو.. جيروجى.. شو.. هما أبطال من عالم ثانى من كوكب الأرض وهـ نعرفكم بهم لكن الأول لازم تبقوا عارفين أن الرواية قائمة على الافتراض، يعنى افترض أنك فى زمان ثانى غير زماننا وبـ تتربع على عرش مملكة ثانية اسمها “مملكة النجوم” مقسمة لـ (12) عشيرة، وداخل المملكة فيه برج وعائلة مالكة ونظام للحكم وحياة كاملة.

الحكم فى أيد عشيرة برج (الدلو) والوزارة لبرج (السرطان) والعادى السرطان بـ يطمع فى الحكم لكن السرطان بـ يثبت كفاءة فى إدارة شؤون البلاد.

معلش خليكوا معانا شوية هـ نحاول مع بعض نحل (اللغة ريتمات) لرسول القمر.. الرواية مقسمة لعدة فصول منها “تمنى بواقعية.. لص البطاطا.. دع الأمر لهيرو.. شو العائلة”.

تخيلوا معانا الحدوتة اللى بـ تحكى عن “ماو” البنت الفقيرة فى كل حاجة حتى شكلها، وعن طريق الصدفة زى ما بـ يحصل فى الأفلام بـ تتعرف على جيروجى اللى هـ يبقى زوجها.. هى صحفية وكانت رايحة تغطى حفلة كبيرة لنجوم المجتمع وهى متنكرة.. وهناك بـ تتعرف على “جيروجى” المغنى والممثل الوسيم وبـ يتجوزوا لكن مش فى تبات ونبات.. الغيرة بـ تقتلها من كثر المعجبين اللى وصلت بهم الجرأة أنهم يدخلوا عليها حجرة النوم من أول يوم زواج.. وشوفوا الحظ حتى لما بـ يظهر لها “جنى” بـ يكون حقير وشبه دودة القز.. وبـ تطلب منه يحرق المعجبات ويخليهم يكرهوا “جيرو جى” لكنه رفض وقال لها الحب والكره بأيد ربنا.

الرواية فى أولها هـ تحس بشوية لخبطة لكن بمجرد ما تقرأ أول جزء منها هـ يسحبك أنك تكمل قراءة.. مش علشان حاجة لكن علشان المتعة اللى هـ تحس بها.

غير المتعة اللى ضحى صلاح مقدمها من خلال بداية مش مفهومة لوسط جذاب ومتشابك لغاية النهاية غير المتوقعة.. هـ نلاقى اللغة الرقيقة والشارحة والساردة فى أماكن كثير والتسلسل فى الرواية متنوع والراوى الثابت طوال الرواية مع أنه بـ يشرح من وجهة نظره لكنه راوى عليم شاطر ما يهزوش إلا لعنة الحقيقة وقت اكتمال القمر.

عجبك ؟ جرب

"المجهول والمنسي من شعر العقاد".

عن الكاتب

ضحى صلاح، مواليد فبراير 1989.. تخرجت في كليةِ دار العلوم.. وتعمل باحثة بكلية دار العلوم، قسم النقد الأدبي والأدب المُقارن.. صدر لها رواية "فانيليا.. عزيزى السيد/ جى".

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح