The Definitive Guide to Living in the Capital , Cairo , Egypt

فلوماستر أبيض

فلوماستر أبيض: عن التماس نتحدث

  • ديوان شعر
  • من الآن
  • عربي عربي
  • 25 EGP
  • مكتبات وسط البلد وديوان وعلى الأرصفة
تم التقييم بواسطة
Ahmed Abd El Gawad
قيم
قيم الآن
فلوماستر أبيض: عن التماس نتحدث

يعنى إيه فلوماستر:

سؤال مهم.. ليه اختار العنوان ده وليه فلوماستر أصلاً؟.. هل الموضوع له علاقة بالكتابة على السبورة والرجوع لأيام الدراسة.. طب ليه أبيض؟ هل هو دلالة على القلب الأبيض.. على الطهارة والنقاء.

 

يعنى إيه ديوان:

تصدقوا أن فيه ناس بـ تكتب شعر “أو بـ تدعى أنها بـ تكتب شعر” وما تعرفش يعنى إيه ديوان.

سؤال: حضرتك طبعت ديوان؟

جواب: يعنى إيه ديوان؟

الديوان أصله يعنى الدفتر اللى بـ يتكتب فيه أسماء الجند زمان.. والديوان هو المكان اللى بـ يتجمع فيه موظفى الدولة.. وتطور الموضوع وبقى الديوان هو الكتاب اللى بـ تتجمع فيه القصائد.

 

عن الأبيض:

نرجع لمحمد إبراهيم وديوانه “فلوماستر أبيض” اللى بـ يبدأ بداية لطيفة بـ يعرف فيها نفسه وأوجاعه وآماله وهمومه وإيه اللى بـ يحبه وإيه اللى بـ يكرهه.

“ولا عمرى حتى لعبت بلى..

ولا كان لى جرأة أنط سور المدرسة وأجرى

الاسم: أهو شوية حروف..

السن: مش فاكر قوى..

الحالة: راضى بحالى وبقدرى..”

وكمان بـ يخليك تركز قوى مع تفصيلات للناس اللى فى السن المقارب له.. أو الناس اللى بـ تهتم بالغنا والشعرا..

“وبحب فيروز من زمان

صوتها أساسًا فيه مسكن للألم

أما نزار

فده قصة ثانية كبيرة بعدين تتحكى”

 

وبـ يختم النص..

“وعمنا أحمد فؤاد نجم وقصيدة البتاع

فى كلام كتير

قصتنا لسه مكملة جوا الديوان

فاستنوا يمكن تعرفوا”

هنا بـ يعمل تماس مع الناس وده سبب نجاح الديوان وسبب نجاح فلوماستر أبيض.

 

التماس:

لازم نفهم مناطق التماس علشان نعرف سبب النجاح.. لما يقول الشاعر فى قصيدة “رسايل م السما السابعة”:

“القطر اتأخر ليه يا صديق

اركب لو جه وأنا جى وراك

أنا مش منقول من غير حضنك

سلم ولحد ما نتقابل

أنا هافض فاكر كل كلام إتقال بالنص

 وهحفظ صم”

الحالة الشعورية هنا بـ تهتم بالناس.. وحالة أنك تحفظ الحوار اللى بـ يتم بينك وبين حد بـ تحبه.. لما تحفظ التفاصيل اللى بينك وبينه “أنا اللى فضلت متبقى.. فى محفظتك.. يدوب صورة.. وساعة عيد ميلاد جاتلك”.

الجمل هنا بسيطة ومعبرة عن حالة التماس مع التفاصيل، مع الوضع فى الاعتبار أنها قريبة من تركيبة “حط الدبلة وحط الساعة” أغنية الشتا لكوثر مصطفى.. لكنها جزء بسيط من الديوان المليان بالتماس فى منطقة الذكريات والتفاصيل.

 

زى ما بيتكلم عن الطفولة..

“من زمان أنا كنت عيل

عمره ما بيفرح بِلَمَّه

وكنت فى الكتَّاب يا دوبك

باقر لسه فى جزء عمَّ”

يعنى لازم تحتزن معاه نفس الذكريات فى الطفولة وفى منطقة اللعب مع العيال سواء بالسلب”معرفش ألعب” أو بالإيجاب”عايز ألعب”

 

أو كمان فكرة الحب والهجر لما يقول فى الغلاف الخلفى للديوان..

“تركيبة خامتك ف الدنيا

قابل للكسر بأنواعه

بمعدل ثابت فى الثانية

بتموت م الحزن وأوجاعه

قدرك يا تعيش فى الكرتونة

مع كل كاستها المركونة

أو كاس من ضمن اللى اتباعوا”

 

ركزوا على التفاصيل والتماس وأنتم تعرفوا فكرة الانتشار والنجاح.

عجبك ؟ جرب

"ناس كافيه"لعمرو حسن.

عن الكاتب

محمد إبراهيم شاعر عامية من المحلة الكبرى صدر له ديوان "فلوماستر أبيض" ولاقى شهرة ونجاحًا كبيرًا وطبع ديوانه عدة مرات.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح