The Definitive Guide to Living in the Capital , Cairo , Egypt

كتب
في مقام العشق

فى مقام العشق: كل يرى العالم من مرآة نفسه*

  • يوسف نبيل
  • روايات
  • من الآن
  • عربي عربي
  • 15 EGP
  • مكتبات وسط البلد
تم التقييم بواسطة
Ahmed Abd El Gawad
قيم
قيم الآن
فى مقام العشق: كل يرى العالم من مرآة نفسه*

تراتيل مقدسة:

ما أظنه خطيئتى يصير فضيلتى.. سامحت كل خطاياى وارتضيت محبتى.. وأنت ترسم لى معانى الحب الجديدة.

الجمل اللى فاتت دى هى أجزاء من أول 3 صفحات فى رواية مقام العشق.. وإحنا سميناها تراتيل مقدسة لأنها واخدة قوى من روح التراتيل اللى فى التوراة.

 

اعرف الأول:

قبل ما حضرتك تقرأ الرواية لازم تعرف الأول أنك مش أمام رواية.. أى نعم أنت أمام خدعة اسمها رواية تقدر تقول عليها حالة سردية أو حالة من الحكى بين اثنين بـ يحكوا مواقف متشابهة.. متشابهة حد التطابق، بـ يحكوا عن حالات إنسانية مختلفة.. حالات كلها بـ تدور حولن الـ… لازم تدور وتقرأ علشان تعرف.

 

اعرف:

تعالى نبدأ من العنوان “فى مقام العشق” أول حاجة لازم تكون فى وعيك لما تقرأ الرواية دى هى أن المقام هنا مقصود به تشبيه مقامات الصوفية.. وللصوفية مقامات وأحوال.. والمقام حالة بـ يوصل لها العابد بعد رحلة طويلة جدًا من العبادة والتقرب.. التقرب هنا عن طريق العشق.

 

سؤال:

هو العشق تقرب من الله؟ إجابة السؤال ده عند الناس بمستويات كثير:

المستوى الأول: هو أنا لما أشوف واحدة يبقى كده بـ اتقرب إلى الله (إيه الجنان ده)، المستوى الثانى: الحب حاجة والتقرب لله حاجة ثانية خالص، المستوى الثالث: يا سيدى وإحنا مالنا المهم أنك تحب وتتحب، المستوى الرابع: ده كلام من كلام الصوفية الناس دى فى عالم ثانى. المستوى الخامس: العشق مقام ما حدش يقدر يوصل له إلا اللى بـ يطيع بجد.. ربنا بـ يفتح لك طرق كثير علشان توصل له.. منها طريق الحب لو عرفت توصل له بالحب يبقى أنت كده وصلت، اثبت على طريقك وكمل.

 

الثنائى:

يوسف نبيل وزينب محمد اثنين من الروائيين الشباب اللى عندهم مقدرة على الكتابة بشكل مختلف، شكل يقدر يدمج حاجات كثير مع بعض.. فى الرواية ما تقدرش تفرق بين صوت الأنثى (زينب) والذكر (يوسف) لأن الاثنين قادرين يعيشوا الكتابة فى معناها الكبير.. كتابة بـ تعبر الحواجز.. بـ تحاول تقول للإنسان أنك قادر على البعد عن القلق.. أنت قادر أنك تصنع سلامك بنفسك.. يعنى مزيج من الصوفى على الواقعى على اللى بـ يحصل فى حياتنا من تفاصيل لها علاقة بالإحساس فى المقام الأول.. تفاصيل تخرج بك من الظاهر وتروح للباطن.. تروح للنفس البشرية وتحاول تحللها وتحاول توصل لمستوى روحي عالي هو فعلًا مالوش علاقة بالطقوس الدينية لكنه بـ يرسم طريق واضح لحالة الإنسان لما يحب.. الإنسان فى مقام العشق.

*أرسطو

عجبك ؟ جرب

"مياه الروح" ليوسف نبيل.

عن الكاتب

يوسف نبيل: خريج ألسن 2008 جامعة عين شمس قسم اللغة الروسية، يكتب الرواية منذ أعوام وله الآن رواية "كسر الإيقاع" صادرة عن مؤسسة أروقة للدراسات والترجمة والنشر، ورواية "موسم الذوبان" صادرة عن الهيئة العامة لقصور الثقافة، ورواية "مياه الروح" صادرة عن دار التجليات للنشر والتوزيع، ورواية "فى مقام العشق" (تأليف مشترك مع زينب محمد) صادرة عن دار التجليات للنشر والتوزيع، وحصل على عدة جوائز منها: جائزة ساقية الصاوى للقصة القصيرة عام 2008 عن قصة "ظمأ" وجائزة إحسان عبد القدوس 2011 فى الرواية عن رواية "موسم الذوبان". زينب محمد: حاصلة على ليسانس الآداب قسم اللغة العربية 2008، تعد الماجيستير حول التصوف في الرواية المصرية المعاصرة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح