The Definitive Guide to Living in the Capital , Cairo , Egypt

كتب

“كتاب السما”.. دليلك المبسط لفهم علوم الفضاء

شادي عبد الحافظ كتاب السما كتب عن السما كتب عن الفضاء مكتبات القاهرة
“كتاب السما”.. دليلك المبسط لفهم علوم الفضاء
    بواسطة
    Mohamed Talaat

    في السنوات الأخيرة أصبح فيه عدد كبير مهتم بفهم السماء بشكل أوسع، وبقى فيه رحلات كتيرة لأماكن ممكن نشوف منها السماء والنجوم بشكل واضح. لو كنت من عشاق السماء، وبتتمنى تفهم علوم الفضاء بشكل سهل وبسيط ومن غير تعقيدات، ننصحك بقراءة “كتاب السما” المتاح في أغلب مكتبات القاهرة.

    “كتاب السما” للكاتب شادي عبد الحافظ، هيعرفك خطوة خطوة كل اللي بيحصل في السماء من ظواهر مختلفة، بأسلوب سهل مدعم بمجموعة كبيرة من الصور التوضيحية.

    الكتاب الصادر عن دار عصير الكتب، بيكشف عالم الأفلاك من خلال 3 أجزاء رئيسية، أولها أطلس النجوم، وبعده أطلس القمر، ثم كتيب كامل بيتضمن صور النجوم والكواكب والأفلاك المحيطة، وبيهدف الكتاب لتعليم القارئ من البداية لحركة الكواكب والنجوم، وهترف من خلاله كل شيء عن سبب تسمية أغلب النجوم، وهتشوف صور توضيحية مختلفة لأهم النجوم والظواهر اللي ممكن تشوفها من شباك بيتك.

    الجميل في “كتاب السما” إنك مش لازم يكون عندك فكرة عن الرياضيات أو الفيزياء أو الفضاء علشان تستمتع بالكتاب، لأنه في الأساس بيستهدف فئات عمرية متنوعة بتبدأ من سن المراهقة.

    الكتاب بيعتبر دليل عملي مدعوم بعشرات التصميمات والصور لعالم السماء الواسع، وغرضه الأساسي يوفر لكل شخص خوض تجربة التعامل مع سماء الليل بدرجة من المعرفة والاستمتاع.

    “كتاب السما” نقدر نقول عليه بجد إنه تجربة مهمة في تبسيط علوم الفضاء ولازم يكون في مكتبة كل شخص بيحب الكتب وبيتمنى يفهم الفضاء بشكل سهل وواضح.

    الكتاب متاح في أغلب مكتبات القاهرة، وسعره 225 جنيه. وممكن كمان تطلبه ويوصلك لحد باب البيت من هنا.

    مقترح