The Definitive Guide to Living in the Capital , Cairo , Egypt

9 كيهك

9 كيهك (الأفق الخامس): الكتاب بيبان من إهداؤه

  • روايات
  • من الآن
  • عربي عربي
  • 35 EGP
  • مكتبات وسط البلد، وديوان ومكتبة أ
تم التقييم بواسطة
Ahmed Abd El Gawad
قيم
قيم الآن
9 كيهك (الأفق الخامس): الكتاب بيبان من إهداؤه

الإهداء عنوان المحبة:

بالضبط زى ما حضرتك قريت فى العنوان كده.. الكتاب بيبان من إهدائه، ده غير عنوانه وارتباطه بالتاريخ.. واللى هنقف عنده شوية.. بس خلونا كده نبص على الإهداء وفيه:

"إليهم.. من علمونى ولو رمزًا واحدًا.. أو كلمة واحدة.. من أبجدية الحب.. لولا وجودكم لاختلت بوصلة حياتى.. ولتمكنت منها الفوضى".

شاعرية اللغة عند جاد الله هى أول حاجة هتقف عندها.. فهو شاعر يكتب رواية.. سارد بحس مرهف.. لكنها مش رواية رومانسية.. حاجة تانية مختلفة.

عمومًا جاد الله الروائى اللى بدأ أول رواية له بجدل عن المصادفة اللى ساقتنا علشان نقرأ الرواية، وعلشان نكتب عنها.. زى ما بيهدى لكل واحد ساقته المصادفة علشان يقرأ رواية 9 كيهك.. هو نفسه جاد الله اللى بيلعب لعبة المصادفة فى الرواية بشكل يخليك تفكر طب هو الموضوع ده حصل فعلًا ولا لعبة الروائى وحبكته؟

 

الرواية ولعبة التاريخ:

من الواضح أن كاتب بيحكى عن تاريخ محدد زى 9 كيهك.. فهو مرتبط بالتاريخ ده.. أو أحداث الرواية مرتبطة بالتاريخ نفسه.. أو السرد بيلعب فى منطقة تاريخية محددة.. ده كان ظننا أول ما بدأنا نقرأ الرواية وشفنا العنوان.. لكن لما دخلنا جوه الرواية فهمنا أن التاريخ حالة سردية.

بمعنى أن استخدام التاريخ فى الرواية ملعوب صح علشان يخدم حالة السرد والحكى جوه الأحداث.. ولازم نقول لكم أن استخدام التاريخ مش عشوائى لكنه وراه بحث، وكمان استخدام الأماكن.. ووصف الشخصيات والراوى اللى عارف كل حاجة لكنه ما بيضيعش عليك المفاجأة، بالعكس الراوى مراوغ يعنى ممكن يتفاجئ وينبهر زيك بالضبط!

التصنيف: صعب تصنفها

الرواية بتحكى عن الطفل الصغير اللى بيلاقى عهدة الخواجة وبيحاول يفتح القفل، وبيستعين بخبرات "فاتح الأقفال وصانعها" وبينتقل من عوالم لعوالم تانية مختلفة.. والطفل مش طفل.. والعالم مش عالم.. والتاريخ بيدخل فى تتابعات مختلفة ومدروسة.. وأفق بيرميك لأفق علشان تفهم.

حاولنا نصنف الرواية وشكلها.. ومغامرتها وسعيها للمعرفة، وكمية المعلومات اللى مش محشورة فيها لكنها منمقة وداخلة جوه النص السردى وكأنها جزء من نسيج واحد معمول، المهم لاقينا الموضوع صعب، رجعنا للى اتكتب عنها علشان نشوف الناس قالت إيه.. لاقينا الروائى الكبير إبراهيم عبد المجيد بيقول:

"نحن هنا أمام عمل مدهش، قد يأخذك للسيرة لكنه أوسع منها، فالسيرة لا تمتد.. فى لغة أظهر فيها الكاتب قدرته على القص والدهشة، تبهرك لغته الهادئة، كأنها بدورها تبحث عن الحكمة.. سيرة أم رواية؟ أم رواية سيرة؟ كلها أسئلة قد تفكر فيها لكن مع النهاية تكتشف أنها ليست سيرة بقدر ما هى "رحلة البراءة وسط الدنيا".

استمتعوا بالرواية ومستنيين رأيكم فى حالة سردية مختلفة صعب تتكرر للروائى والكاتب محمد جاد الله.

عجبك ؟ جرب

"طيور العنبر" للروائى إبراهيم عبد المجيد.

عن الكاتب

محمد جاد الله مفكر وكاتب مصرى، من مواليد 1972 بالقاهرة، درس اللغتين الألمانية والأسبانية فى كلية الألسن، وأتم الدراسات العليا فى الآثار المصرية والتفاعل الحضارى، وحل النزاعات المجتمعية، فى مصر ولبنان والنمسا، يعمل كباحث ومحاضر دولى فى شئون الهوية والتفاعل الحضارى فى مصر وأوربا، حصل على جائزة أفضل دراماتورج فى مهرجان آفاق المسرحية عام 2014، وتعد روايته 9 كيهك هى روايته الأولى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح