The Definitive Guide to Living in the Capital , Cairo , Egypt

مطاعم
الدوار

الدوار: محل فطائر مخيب للآمال في المعادي

  • 86 شارع 9، بجوار راية
  • مصري
  • 9 صباحاً - 3 صباحاً -
تم التقييم بواسطة
Nagla Ashraf
قيم
قيم الآن
الدوار: محل فطائر مخيب للآمال في المعادي

بـ يمر علينا تجارب كمحررين في كايرو 360 سيئة للغاية كان منها تجربتنا مع الدوار. الدوار محل فطير للتوصيل فقط، فاتح في أكثر من فرع في المهندسين ومدينة نصر والمعادي، كانت آخر مرة طلبناه  في 2010، وكانت تجربة جيدة جدًا فـ قلنا نجرب نطلبه ثاني ونشوف هل فضل محافظ على جودته ولا لأ؟ وللأسف ما كانتش تجربة لطيفة بالمرة. في البداية تحمسنا جدًا من المنيو اللي مليان أختيارات متعددة ومختلفة، صحيح الأسعار أختلفت كثير عن زمان بس قلنا يمكن الطعم يعوضها.

يعنى تتوه بين أقسام فطائر الحلو وفطائر الجبن بكل أنواعها، وفطائر اللحوم والحوواشي وفيه كمان فطائر مشكل على ذوقك وتقدر تزود عليها اللي أنت عاوزه، وفطائر بيتزا كمان، بس الجزء الجديد كان قسم المعجنات الإيطالية اللي كان مليان أنواع مكرونة شكلها مغري جدًا ومتنوعة. غير أنك ممكن تطلب أن الفطيرة تتعمل بالسمنة البلدي وبـ يتزود مبلغ 10 جنيه على الحجم الصغير، و20 جنيه على الحجم الوسط و30 جنيه على الحجم الكبير.

المهم طلبنا، فطيرة بالسوسيس والجبنة ومكرونة نجرسكو وفطيرة نوتيلا. الأكل جاء بعد ساعة ونص بدل 45 دقيقة بس، وده رجع أن النور قطع عليهم على حسب كلامهم. الغريبة أن المكرونة النجرسكو بـ 17 جنيه، كانت تحفة وسخنة، وفعلًا روعة وتقريبًا هي الحاجة الوحيدة اللي عجبتنا برغم أنه تخصص فطائر في الأساس. لأن فطيرة السوسيس بالموتزاريلا بـ 51 جنيه، اللي طلبنا أنها تكون من غير خضار، جائت لنا من غير موتزاريلا كمان، تخيلوا.. فطيرة محشية سوسيس بس، فين الطعم ولا اللون ولا الريحة ولا أي حاجة طيب. كانت خيبة أمل كبيرة الحقيقة مش عارفين نوصف لكم إحساسنا. وآخر حاجة كانت فطيرة النوتيلا حجم وسط بـ 32 جنيه، وكانت مليانة شوكولاتة بس نوعها نفسه ما كانش نوتيلا إطلاقًا، فكانت شغالة بس كمية من غير طعم حلو، ده غير أنها كانت مقرمشة زيادة عن اللزوم.

الحقيقة أن التجربة ما كنتش ممتعة إطلاقًا، نتمنى أن الأخطاء دي ما تتكررش، ويتجنبوا يطبخوا لو النور مقطوع بدل ما تتقدم حاجة ناقصة أو مستوية زيادة.

نصيحة 360

تقدر تطلبهم على الرقم ده 16603.

أحسن حاجة

المكرونة النجرسكو.

أسوأ حاجة

فطيرة السوسيس بالموتزاريلا من غير موتزاريلا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح