The Definitive Guide to Living in the Capital , Cairo , Egypt

برجر فيول – BurgerFuel

برجر فيول: أحلى مكان ممكن تأكل فيه برجر في المعادي

  • 80 شارع 9 - المعادي
  • برجر
  • 0223591200
  • 11 صباحًا - 1 صباحًا
تم التقييم بواسطة
Nagla Ashraf
قيم
قيم الآن
برجر فيول: أحلى مكان ممكن تأكل فيه برجر في المعادي

دائمًا وأبدًا لما بـ يبقى فيه أماكن كثيرة بـ تقدم نفس المنتج في منطقة واحدة المنافسة بـ تبقى عالية، و المطعم بـ يحتاج أنه يقدم الأفضل، وفي حالتنا هنا في القاهرة، لازم تتميز. بل تبهر الزبون.. وهو ده اللي حصل بالضبط في "برجر فيول – Burger Fuel".

المكان جميل وهادئ، هـ تلاقي مكان تقعد فيه على الشارع لو تحب أو جوه المطعم، المطبخ مفتوح على الطريقة الأمريكية، فبـ تبقى تقريبًا معاهم في المطبخ، الديكور شكله عصري وظريف.

أول ما بصينا في المنيو، بسطنا جدًا تنوع أنواع البرجر سواء في قسم اللحوم أو قسم الدجاج، خاصة أن الدجاج بـ يبقى مشوي مش مقلي، كمان عنده برجر نباتي مطبوخ ومعتمد من جمعية النباتيين.

ما قدرناش نقاوم أننا نشوف برجر بالمانجو وما نجربوش، طلبنا برجر بي.أف. مونستر (49 جنيه) اللي كان تحفة طبعًا، طعم البرجر نفسه مع صوص الأفوكادو والمانجو وشرائح البيكون والطماطم والخس.. كأنك أخذت قضمة من حتة نعيم أو أكلت سحابة صافية فيها مانجو وأفوكادو وبرجر، ومش حاسس بأي تناقض ما بينهم، كان ممكن نزود بنجر بس إحنا مش بـ نحبه فما طلبناهوش.

أما البساطة والحلاوة كانت في تشوك رويال (28 جنيه) اللي عبارة عن برجر صدور فراخ مشوية وعليها بقى إيه.. أناناس مشوي وخس وطماطم.. مهما نوصف في الطعم الطازة الجميل مش هـ نعرف نعطيها حقها، وده طبعًا لمحبي الحلو والحادق مع بعض.

لو أنت من هواة التجارب يبقى لازم تجرب موتو بايتس (29 جنيه) ودي عبارة عن ثماني قطع من: مزيج قرع العسل والجزر والحمص والزنجبيل مع صوص ريلش بالزبادي (طماطم بالزبادي).. دي بقى حاجة كده عاملة زي.. هي مالهاش زي الصراحة.. هي مزيج من كذا حاجة حلوة مع بعض مقلية تحطها في الصوص بقيت أحلى وأحلى.. أكلناها.. تلاقي كذا طعم بـ يخانق مع اللي جنبه علشان يبان وعملوا بوووم.. انفجار خفيف في فمك، وهـ تلاقي نفسك بـ تقول يااااام .. يا ولد أعطني كمان زيادة.. هي دي موتو بايتس.

لكن الأجمل منها سباد فرايز (14 جنيه)، دي مش بس بطاطس محمرة ولا ودجز.. لا يا كبير.. دي أجمل بطاطس محمرة ممكن تأكلها في حياتك، حيث القرمشة من بره جدًا والطريان من جوه جدًا جدًا، علشان هي كبيرة وعريضة، يعني صباع البطاطس أتخن من صباع أيدك بحاجة بسيطة.

آخر حاجة جربناها وكانت تحفة الميلك شيك اللي ما كانش لبن واستهبلوه فبقى ميلك شيك، لا ده ميلك شيك أبًا عن جد عن جدود الجدود.

روحوا جربوه يا جماعة مش هـ تندموا وابقوا اطلبوا ساندويتش واحد كبير، علشان بـ يشبع جدًا وما تطلبوش حاجة ثانية جنبه إلا البطاطس لو أنتم مش جعانين قوي.

نصيحة 360

روح وأنت جعان وخد معاك حد عزيز عليك هـ تتمزجوا.

أحسن حاجة

برجر بي. أف. مونستر.

أسوأ حاجة

أن المطبخ مفتوح على المطعم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح