The Definitive Guide to Living in the Capital , Cairo , Egypt

بيتزا إل ديفينو – IL Divino Pizzeria

بيتزا إلدي فينو: طعم جميل للبيتزا الإيطالي في الزمالك

  • 5 شارع أبو الفدا - فندق أم كلثوم
  • إيطالي,بيتزا
  • 0227372551
  • 11 صباحًا - 2 صباحًا
تم التقييم بواسطة
Nada Faied
قيم
قيم الآن
بيتزا إلدي فينو: طعم جميل للبيتزا الإيطالي في الزمالك

الزمالك.. مكان ممكن تلاقي فيه تنوع في كل حاجة من كافيهات لمطاعم لمحلات ملابس وإكسسوارات، أي حد دلوقت يقرر يفتح حاجة في الزمالك لازم يكون دارس الموضوع كويس جدًا، علشان المنافسة مش هــ تبقى سهلة أبدًا خاصة محلات الأكل، “بيتزا إلدي فينو–Il Divino Pizza” مكان جديد فتح في الزمالك في شارع أبو الفدا بـ يعمل بيتزا على الطريقة الإيطالية الأصلية.

وصلنا لبيتزا إلدي فينو، المكان صغير عبارة عن دورين، الدور الأول عبارة عن مطبخ صغير مع فرن البيتزا الكبير المغطى بخرز بـ يلمع وشكله كأنه كرة ديسكو كبيرة جدًا شدتنا أول ما دخلنا، طلعنا الدور الثاني وكان مكان لطيف بالترابيزات الخمسة الصغيرينوديكوره اللي واخد الطابع الإيطالي.

قعدنا والترابيزة كان عليها المنيوهات علشان ماننتظرش الجرسون ونختار على طول، المنيو كان مليان بأنواع كثير من البيتزا منها الخضروات والسي فوود واللحوم وطبعًا التشيكن وكل دول أسعارهم مابين (32: 68 جنيه) وكمان ممكن تحط أي حاجة من اختيارك على البيتزا بتاعتك من (5: 16 جنيه) على حسب الزيادات.

طلبنا بيتزا نابوليتانا (52 جنيه) كان طعمها لذيذ ومضبوط بالتوابل والموتزاريلا والأنشوجة والزيتون وصلصة الطماطم، ومعاها بيتزا بولو بيستو (52 جنيه) عبارة عن موتزاريلا والبيستو صوص والتوابل وقطع الفراخ والطماطم، بيتزا البولو بيستو برغم طعمها الجديد لكن كانت مليانة بزيت الزيتون اللي كان مغطي على المكونات الثانية وخلانا محتارين في طعمها، كان فيه كمان سلاطات زي إلدي فينو سلاطة (38 جنيه) بمكونات التونة والخضروات اللذيذة، أما جزء الحلويات فكان عندهم  فطيرة تفاح دولسي (35 جنيه) وكروستاتا الليمون (30 جنيه).

الأكل جاء لنا بعد 20 دقيقة تقريبًا والمشكلة الوحيدة أن المكان فوق صغير جدًا فبالتالي الويتر بـ يفضل واقف جنبك علشان لو احتجت حاجة ودي حاجة ما كانتش مريحة شوية بالنسبة لنا، البيتزا في إلدي فينو إيطالية على حق وطعمها جميل والخدمة هناك لطيفة وسريعة.

نصيحة 360

جربوا بيتزا إلدي فينو بمكوناتها الشهية.

أحسن حاجة

ديكور المكان جميل والخدمة سريعة.

أسوأ حاجة

مافيش حمام.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح