The Definitive Guide to Living in the Capital , Cairo , Egypt

دايتليشوس – Dietlicious

دايتليشوس: وجبات وسناكس خفيفة منخفضة السعرات للتوصيل فقط فى القاهرة

  • توصيل طلبات فقط
  • 01203778899,0233459716
  • 10 صباحًا - 11:30 مساءً
تم التقييم بواسطة
Laila Rostom
قيم
قيم الآن
دايتليشوس: وجبات وسناكس خفيفة منخفضة السعرات للتوصيل فقط فى القاهرة

وسط مطاعم القاهرة الراقية، ومع الهوس اللى انتشر فى القاهرة بالصحة واللياقة وكمان التغذية الصحية، كثير من محلات الأكل والعصائر قرروا يخرجوا من عبائتهم ويقدموا اختيارات صحية للمهتمين بحساب عدد السعرات فى أكلهم وشربهم.

أحدث مطاعم التوصيل فى القاهرة “دايتليشوس – Dietlicious” انضم أخيرًا لموضة الصحة، مع منيو مجهزة كويس فيها وجبات منخفضة السعرات تناسب احتياجات أكلك، بـ تُقدم على شكل ساندويتشات ملفوفة، معاها سلاطة وحلويات مخبوزة.

طلبنا تخصص دايتليشوس، بطاطس مقلية بالهواء بدون زيت (11.95 جنيه)، تشيكن سيزار سلاد سعراتها 399 (26.95 جنيه)، ساندويتش فراخ مشوية (19.95 جنيه) وقطعة صغيرة جدًا 150 جم ريب آى ستيك (69.95 جنيه).

البطاطس المقلية بالهواء لازم تلفت انتباه أى واحد، لكنها فى الحقيقة كانت منتهى السوء؛ مافيش أى نوع من النكهة، ده غير قوامها الرخو الطرى.

التشيكن سيزار سلاد كانت عبارة عن خس، وعيش محمص وفراخ مشوية. نتيجة عدم وجود أى نوع من التتبيلة، السلاطة كانت عديمة الطعم، حتى فى وجود صوص السلاد هو غير كافي خالص أنه يحسن من الطعم.

لما تروح على الستيك، أول حاجة تتوقع أنهم يسألوك عاوزه مشوى لأى درجة، الموضوع ده ما حصلش أصلاً فى دايتليشوس. فتحنا علب الأكل البلاستيكية المحكمة، ورغم شكل الريب آى كان شهى، لكن الستيك كان مشوى زيادة عن اللزوم، والنتيجة أنه كان صعب المضغ وكمان صعب البلع. الطلب الجانبى من الخضروات المطهية بالبخار اتعمل صح، لكن زى معظم الأكل، مافيش أى نوع من النكهة.

الحاجة الوحيدة اللذيذة فى الموضوع كانت ساندويتش الفراخ المشوية. ملفوف فى عيش تورتيا محمص، والفراخ المشوية الطرية عليها كمية مضبوطة من جبن الشيدر، والطماطم، والخس وكمية كويسة من المايونيز اللايت، اللى فاجئنا أنه ما عجّنش العيش. بشكل عام، حجم الساندويتش كان مثالى، طعمه كويس وماسك نفسه.

من بين اختيارات المنيو الثلاثة من الحلو، طلبنا كيك اللوز بالعسل الخالية من الدقيق (7.95 جنيه) واللى بـ يقولوا أن كل سعراتها 260 فقط. رغم أنها كانت طرية وأسفنجية من الداخل، الكيك كانت جافة وعديمة المذاق، واللى أنقذها طعم شربات العسل المسكر.

أى مطعم جديد أو خدمة أكل بـ تحاول تبذل مجهود كبير فى تقديم أكل صحى لازم نشجعها، لكن لما الموضوع يكون على حساب الطعم، لازم تستغرب وتسأل “إيه الميزة؟”.

نصيحة 360

دايتليشوس بـ يوصل لأى مكان فى القاهرة، وكمان يقدروا يصمموا لك خطة أكل يومية. اتصل بـ 01203778899.

أحسن حاجة

ساندويتش الفراخ المشوية كان ممتاز.

أسوأ حاجة

بطاطس مقلية بالهواء، فكرة مبتكرة؟ طبعًا.. فكرة كويسة؟ أكيد لأ.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح