The Definitive Guide to Living in the Capital , Cairo , Egypt

مطاعم
دايت هاوس – Diet House

دايت هاوس: كل اللى نفسك فيه بأقل سعرات حرارية في المهندسين

  • 104 شارع جامعة الدول العربية
تم التقييم بواسطة
Samah Nageh
قيم
قيم الآن
دايت هاوس: كل اللى نفسك فيه بأقل سعرات حرارية في المهندسين

كل واحد فينا عنده أكلة مفضلة أو أكلات وبـ يبقى صعب قوى أننا نتحرم من الأكل اللى بـ نحبه خصوصًا وإحنا بـ نعمل دايت وكثير مننا ما بـ يقدرش يستمر على نظام دايت بسبب اللخبطة فى الأكل أو الوجبات الجاهزة.. بس فى “دايت هاوس” فى المهندسين تقدروا تأكلوا كل اللى فى نفسكم من غير ما تخافوا لأن كل الوجبات قليلة السعرات الحرارية، يعنى ممكن دلوقت نأكل البيتزا والبرجر ووجبات ثانية كثير وإحنا بـ نعمل دايت عادى ومن غير ما نخاف من السعرات.

لما روحنا “دايت هاوس” كنا حابين نأكل أكل صحى براحتنا من غير ما نخاف من زيادة فى الوزن وكنا فاكرين أن فيه أصناف معينة ومحدودة هى اللى “دايت” أو أن الوجبات الدايت طعمها مش لذيذ زى الأكل العادى، بس بعد ما روحنا تفاجأنا بالمنيو لأن كل الأصناف اللى موجودة فيه “دايت”.

ومن الساندويتشات الموجودة مثلاً البرجر بأنواعه المختلفة (بيف برجر، وسى فود برجر، وتشيز برجر، وبرجر سادة، وتشيكن برجر) ومعشوقة المصريين البيتزا بأنواعها المختلفة، وكمان فيه وجبات فراخ (كوردون بلو، وشاورما، وشيش طاووك) ومش بس الأكل دايت، المشروبات كمان دايت يعنى العصائر كلها فريش، ولو بـ تحبوا الكيك والحلويات تقدروا تأكلوها دلوقت فى دايت هاوس من غير ما تخافوا من الوزن الزيادة.

إحنا لما روحنا جربنا تشيكن بيتزا لارج (38 جنيه) وكان طعمها لذيذ جدًا وريحتها بـ تشهى جدًا، وجربنا كمان سى فوود برجر (29 جنيه) كان طعمه حلو جدًا وحجمه بـ يشبع، وباقى الأسعار تعتبر برضه مناسبة يعنى مثلاً كوردون بلو (29 جنيه) وتشيكن برجر (30 جنيه).

وعلشان ما تقلقوش من الطعم.. ممكن تطمئنوا تمامًا الطعم لذيذ يمكن ألذ من الأكل العادى.. والجميل فى “دايت هاوس” أنهم كل فترة بـ يجددوا فى المنيو وبـ يضيفوا أصناف جديدة.

وبما أن الأسعار لطيفة وطعم الأكل لذيذ يبقى ممكن تعتمدوا عليه فى الأكل بره البيت وتحتفظوا برشاقتكم أو تحافظوا على نظام الدايت الخاص بكم.

هناك كمان مش هـ نأكل وبس.. إحنا كمان هـ نعرف نصائح كثير مهمة لصحتنا زى مثلاً الأطعمة اللى بـ تحتوى على سعرات حرارية كبيرة وإزاى نتناولها بشكل منظم علشان ما يزيدش وزننا. وكمان لأول مرة مطعم فى مصر يوضح السعرات الحرارية لكل وجبة، يعنى إحنا قبل ما نأكل هـ نحدد عدد السعرات اللى هـ يكتسبها جسمنا أو على الأقل هـ نقدر نختار الوجبة المناسبة للنظام الغذائى الخاص بنا.

ومن أول زيارة هـ نحس بألفة فى المكان لأن كل العاملين فى المكان بـ يحسسوك أنك أهم شخص وكأنك زبون قديم حتى لو كانت دى أول زيارة لك.. وكمان “دايت هاوس” مناسب جدًا لو هـ تروح مع الأصدقاء أو العائلة ومناسب كمان لو عندنا مقابلة سريعة.. ممكن نستمتع بمشروب فريش وصحى مع أى نوع كيك بـ نحبه.

وممكن جدًا لو مش حابين تنزلوا ممكن نطلب دليفرى بالاتصال بـ 16513، وعامة ما تقلقش لو رحت فيه مكان مخصص لركن السيارات، ولو فيه حفل عيد ميلاد أو أوردر كبير من الأفضل أننا  نحجز حتى لو بالتليفون لأن “دايت هاوس” غالبًا بـ يكون زحمة بالذات فى أيام الجمعة أو الأعياد والمناسبات.

نصيحة 360

لما تروح "دايت هاوس" من الأفضل تتعرف على النصائح الغذائية قبل ما تطلب الأوردر.

أحسن حاجة

أنك لما هـ تأكل من دايت هاوس هـ تشيل من دماغك شبح السمنة.

أسوأ حاجة

أن الطريق بـ يكون زحمة جدًا في شارع جامعة الدول وقت الغداء.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح