The Definitive Guide to Living in the Capital , Cairo , Egypt

مطاعم
ديونز فلام – Dunes Flame

ديونز فلام: لما كل أنواع الأكل تُقدم لك بحرفنة فى المعادى

  • 10 شارع 214 - ميدان دجلة
  • عالمي
تم التقييم بواسطة
Nagla Ashraf
قيم
قيم الآن
ديونز فلام: لما كل أنواع الأكل تُقدم لك بحرفنة فى المعادى

دائمًا، قبل ما بـ نختار مكان، بـ نحب نشوف المنيو بتاعه علشان نأخد فكرة، والحقيقة أنه لفت انتباهنا جدًا، أن منيو “ديونز فلام – Dunes Flame” كان متنوع جدًا لدرجة أنك ما تعرفش تصنفه إذا كان إيطالي ولا أمريكي ولا مصري ولا مغربي، جمع لك ما بين كل المطابخ دي والمفاجأة أن مافيش حاجة عنده وحشة.

أول ما بـ تدخل بـ يلفت نظرك الديكور البدوي للمحل كأنك عملت سفاري في منطقة جبلية وجاي تستريح بعد رحلة طويلة، المكان فعلًا مريح جدًا، لولا بس وجود الشيشة في كل مكان، للأسف ما كانش فيه مكان مخصص لغير المدخنين.

طلبنا في الأول Konafa fried shrimp بـ 28 جنيه، واللي كانت حلوة قوي، بس بعض القطع كانت محتاجة تستوي أكثر من كده علشان الكنافة تقرمش زيادة، وكان مُقدم معها صوص مايونيز بالزعتر والثوم، وبـ نرشح يبقى معاها شيلي صوص أحلى وأخف، لأن الاثنين مع بعض بـ يبقوا ثقال جدًا. وطلبنا الكوكتيل الخاص بتاع ديونز (28 جنيه)، واللي كان مزيج بين المانجو والخوخ والكيوي، وكان فوق الرائع، خاصة قطع الكيوي الصغيرة اللي بـ تأكلها بالمعلقة مع العصير، وكأنهم عملوا لك اثنين في واحد، عصير وفاكهة بـ تتأكل معاه.

بعد كده طلبنا من المطبخ المغربي طاجن اللحم بالبرقوق واللوز (80 جنيه)، عارفين لما تدخلوا مملكة قديمة لملك عظيم، ويقولك أنا هـ اكرمك بأكلة عمرك ما أكلتها في حياتك، ويدخل لك طاجن كبير وثقيل، جواه كل ما تشتهيه، في الأول صوص اللحمة مغطي على كل شيء وحوله البرقوق (القراصية) واللوز والطماطم الصغيرة، تبدأ تأخد أول شوكة وبووووووووم، مسكر على حادق مع كسكسي جميل تحس أن المغرب جاءت لك في طبق، ومع أننا واجهنا مشكلة أن اللحمة كانت بـ تمط شوية، ولما قلنا للجرسون، قال لنا أن الأكل المغربي بـ يبقى نيء عندنا شوية، إلا أننا استمتعنا بكل قضمة من الطاجن الملكي ده، واللي هـ يعجب طبعًا محبي الحلو والحاذق.

وبعد كده انتقلنا للمطعم الصيني، وطلبنا China beef بـ 84 جنيه، جزء ثاني من الكرة الأرضية قُدم لك على بساط من المتعة، اللحمة كانت مستوية كويس جدًا، ومتغرقة بصوص الصويا والسمسم والبهارات الصينية، تحس مهرجان توابل في الطبق بالذات مع الأرز اللي بالخضار والبيض، ما نخبيش عليكم إحنا خفنا من أنه بالبيض، بس الحقيقة أنه كان بيض مقلي خفيف مموج كأنه شمس على جزيرة مليانة خضروات شهية ومتبلة بمزاج.

بعد الأكل الجميل المتقن ده، ما قدرناش نأخد حلو طبعًا وإن كان عنده حاجات حلو كثير، بشكل عام المكان حلو جدًا ومتنوع، والخدمة فيه ممتازة برغم حجمه الكبير. وأمام كل كورنر أو ترابيزة لها التليفزيون الخاص بها، علشان ما تتعبش وأنت بـ تتفرج.  

نصيحة 360

خلي بالكم أن فيه مكان جنبDunes Flake  بالضبط واسمهDunes  برضه، بس هم الاثنين منفصلين عن بعض تمامًا، برغم أنهم تقريبًا نفس الديكور.

أحسن حاجة

طاجن اللحم بالبرقوق واللوز.

أسوأ حاجة

الشيشة اللي في كل مكان.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح