The Definitive Guide to Living in the Capital , Cairo , Egypt

سي باستا – Si Pasta

سي باستا: مكرونة لذيذة توصل لك لحد البيت في المعادي

  • 33 شارع 151
  • عالمي
  • 01275550552
  • 11 صباحًا - 12 صباحًا
تم التقييم بواسطة
Nagla Ashraf
قيم
قيم الآن
سي باستا: مكرونة لذيذة توصل لك لحد البيت في المعادي

مافيش حد يقدر يقاوم سحر المكرونة، أكلة سهلة وسريعة وبتشبعك، إحنا شخصيًا بنعتبرها الحل الأسرع لما نكون جعانين، حتى لو الساعة 2 بليل، نخترع أي صوص في المطبخ وبتقضي الغرض.

فلكم أن تتخيلوا فرحتنا بافتتاح مكان جديد بيعمل مكرونة بس وتوصل لك لحد البيت في المعادي، حاجة آخر مزاج.  سي باستا – Si pasta لسه فاتح قريب في دجلة المعادي وقائم على التوصيل بس، المنيو كان شكله مغري جدًا بالديزاين اللي شبه ورق الجرائد القديمة والطربوش، تحس أنك رجعت بالزمن، مع اسم المكان اللي عامل خلطة بين سي السيد والمكرونة الإيطالية، كأنهم بيقولوا لك هتلاقي عندنا خلطة مش عند حد. وبرغم أن المنيو ما فيهوش اختيارات كثيرة إلا أنها خطوة كويسة من شباب لسه بيبدأ حياته العملية.

لما كلمناهم عرفنا أن فيه نوعين بس مكرونة حاليًا وهي الفيتوتشيني والبنا، أما عن أنواع المكرونة فهم 3 أنواع بس ما بين مكرونة سي السيد بالـ Sea Food أو  مكرونة أمينة بتتقدم بالسجق أو  مكرونة جليلة بتتقدم بالفراخ. وأكثر من نوع صلصلة ما بين صلصلة حمراء أو بيضاء أو نجرسكو (في الفرن) أو روزية (خليط ما بين الصوص الأحمر والأبيض).

طلبنا مكرونة سي السيد فيتوتشيني وصوص روزية بالـ Sea Food بـ 32 جنيه، ومكرونة جليلة بالفراخ نجرسكو بنا (28 جنيه) والتوصيل 15 جنيه!!

الطلب وصل في ميعاده مغلف بطريقة كويسة، المكرونة السي فوود كانت رائعة عليها كابوريا وكاليماري وجمبري مع التوابل والصوص، كانت فعلًا رائعة، أما المكرونة النجرسكو فكانت أقل شوية بالنسبة لطعم الصوص كان قليل والفراج كانت جافة، نعتقد أنهم سابوها مدة طويلة في الفرن وهي كانت مسلوقة فاستوت زيادة عن اللزوم.

طبعًا دي مش هتكون أخر مرة نجرب فيها سي باستا، ونتمنى أنهم يكثروا أنواعهم ويقللوا ثمن التوصيل شوية لأن 15 جنيه توصيل ده كتير جدًا!

نصيحة 360

تابعوا صفحتهم على الفيسبوك.

أحسن حاجة

مكرونة سي السيد بالسي فوود.

أسوأ حاجة

الدليفري 15 جنيه، وأنواع المكرونة قليلة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح