The Definitive Guide to Living in the Capital , Cairo , Egypt

فروماج – Fromage

فروماج: مطعم مريح للأعصاب وخدمة مهذبة فى مول العرب

  • مول العرب - منطقة المطاعم - أمام النافورة الراقصة
  • عالمي
  • 01028133551,01028133550
تم التقييم بواسطة
Angie El Batrawy
قيم
قيم الآن
فروماج: مطعم مريح للأعصاب وخدمة مهذبة فى مول العرب

مول العرب وخاصة المطاعم اللى عند النافورة لسه متكلمين عنها من كام يوم فى مقال نقدي عن مطعم “مازجان – Mazagan“، المكان اللى رحناه المرة دي جنب مطعم “مازجان” بالضبط.. “جيرانهم” من الآخر، من الاسم حسينا أن المكان ممكن بـ يقدم أكلات من المطعم الفرنسي لأن Fromage كلمة فرنسية معناها “جبنة”، لكن لما دخلنا جوه وشفنا المنيو لقينا الأطباق طبيعتها عالمية.

مكتوب فى المدخل Fromage restaurant & Café المكان واسع والديكور جوه بـ يغلب عليه الخشب البني واللون البيج والأبيض والسقف عالى، فيه منطقتين للجلوس بـ يفصل بينهم زجاج شفاف فحتى لو قعدت جوه زينا هـ تحس أنك مع الناس بره فى المنطقة المفتوحة.

المنيو مقسمة التقسيمة العادية، من الشوربات طلبنا شوربة “فروماج كابتشينو” (21.95 جنيه) ودي عبارة عن بيون الجمبري ومشروم وبصل وكرفس وكرات وجمبرى ميديم وكريمة فريش، وطلبنا منه أنه يشيل المشروم، لكن للأسف جاب لنا الأوبشن الثانى لنا لو ما نفعش نشيل المشروم وهو شوربة الطماطم (17.95 جنيه)، من الأطباق الرئيسية أخذنا صدور فراخ بصوص الديمي جلاس (52.95 جنيه) ومكتوب أن بـ يقدم معاها بطاطس جراتان وخضار سوتيه، كمان قلنا نجرب من اللحوم بيف فيليه بصوص الديمي جلاس (69.95 جنيه) ومعاها اختارنا بطاطس بيوريه وخضار سوتيه.

نزل لنا سبت عيش أول حاجة وفيه مقرمشات، وكمان زجاجة مياه صغيرة (5.99 جنيه) وهدية من المكان لأنه لسه Soft opening نزلوا لنا سلاطة فيها جبنة حلومي بالفلفل الألوان والطماطم وعليها صوص أخضر كده كان طعمه حلو قوى، جاءت لنا الشوربة بعد وقت مش طويل أوى وكان عليها نفس الصوص الأخضر ده من فوق كان شكله حلو مع لون الشوربة الأحمر والطعم كان تحفة، الكمية تكفى اثنين مش واحد بس علشان يكون فى معدتك مكان للأكل، الأطباق جاءت بعدها بشوية، البيف كانت وهمية هى والفراخ، طراوة وطعم والصوص كمان، ما كانش فيهم غلطة، اللى ضايقنا بس أن البطاطس الجراتان ما كانتش موجودة وعملوا لنا بدلاً منها بيوريه وفاجئونا بها، الخضار كيمتة معقولة والبيوريه، بس البيف والفراخ كانت حلاوتهم مغطية عليهم، الشيف نفسه بقبعته المشهورة خرج لنا يسألنا على أخبار الأكل وكان اهتمام حلو منهم برأينا.. وعامة تعامل الجرسونات هناك كله احترام وذوق.

خلصنا الأطباق.. ونقلنا على الحلويات، من منيو الحلو أخذنا كريب بالآيس كريم (24.95 جنيه) وأخذ وقت فى تحضيره أكثر من الأطباق الرئيسية ودي كانت حاجة غريبة شوية، الكريب كان لطيف عليه صوص شوكولاتة، حلو بس كنا حاسينه ناقصه حاجة مش عارفين هى إيه.

“فروماج” مكان لطيف تخرج فيه، محتاج دعايا شوية علشان لسه فى الأول، خاصة أن مافيش أى معلومات عنه على الإنترنت ولا حتى عنوان ورقم تليفون.. وبالتالى إحنا سعداء أننا الموقع الوحيد اللى نشر معلومات عنه لحد دلوقت!

نصيحة 360

فروماج عندهم شيشة مجانًا للسيدات كل يوم!!

أحسن حاجة

تسوية الفراخ والبيف.. وهمية.

أسوأ حاجة

كان نفسنا نذوق البطاطس الجراتان.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح