The Definitive Guide to Living in the Capital , Cairo , Egypt

كونتري برجر – Country Burger

كونترى برجر: فاست فوود فى الرخيص داخل المعادى

  • 1/6 شارع اللاسلكي
  • برجر
  • 16391
  • 7 صباحًا - 3 صباحًا
تم التقييم بواسطة
Gaser El Safty
قيم
قيم الآن
كونترى برجر: فاست فوود فى الرخيص داخل المعادى

الحياة فى القاهرة بـ تغلى يوم بعد يوم، ومطاعم القاهرة أكيد مش استثناء. فى وقت معين من الشهر، بـ تلاقى نفسك فجأة محفظتك شبه فاضية وحسابك فى البنك بعافية شويتين. عمومًا، وأنت منتظر يوم قبض المرتب بفارغ الصبر، الأكل بـ يتحول لطريقة لإشباع معدتك أكثر منه طريقة للاستمتاع بلذّة الأكل.

الفاست فوود كان هو الحل فى حالتنا، لكن حتى ماكدونالدز وأمثاله أسعارهم مش رخيصة للدرجة، يمكن الفكرة أنه بـ يشبع. آخر جولة وصلت بنا لتقاطع شارع النصر مع شارع اللاسلكى فى المعادى، وهناك قابلنا "كونترى برجر – Country Burger".

المطعم كمكان مش مشجع على الدخول؛ الصوت عالى جدًا، وبصراحة المكان مش نظيف للدرجة. المكان ملتزم بالشكل التقليدى لمطاعم الفاست فوود بكاونتر للطلبات، وهنا دخلنا من الأبواب الزجاجية والقلق بـ يأكلنا. بعد نظرة على المنيو، الأسعار الرخيصة كانت مفاجأة بالنسبة لنا. كومبو برجر قطعة واحدة سعره 19.99 جنيه، أما التريبل سعره 36.99 جنيه، طلبنا كونترى بيف تشيز لوفرز (30 جنيه) وكنترى بيف مشروم (28 جنيه).

زى أغلب مطاعم الفاست فوود، وقت التحضير كان قليل. التشيز لوفرز كان عبارة عن جبن إمينتال، موتزاريلا وجبن شيدر مع قطع فلفل حلو والإضافات التقليدية من خس، وطماطم وبصل. المشروم برجر بـ يستخدم نفس المكونات، ما عدا الإمينتال والموتزاريلا، بالإضافة لصوص مشروم بنى واضح أنه معمول من مشروم معلب.

بالنسبة للطعم، الأكل كان مناسب لسعره. اللحم نفسه عادى جدًا، أما الحاجات البسيطة زى العيش القديم والمشروم المعلب فقدروا يقللوا من شكل البرجر الجميل على الورق بس. بلاش تضع آمال على البطاطس المحمرة اللى مع الكومبو؛ مزيتة بشكل غير آدمى.

كونترى برجر مش من المطاعم اللى بـ تلعب على حاسة التذوق والاستمتاع بالأكل، وممكن تعتبره اختيار لما تحتاج أكلة سريعة، وهم بصراحة شاطرين فى الموضوع ده، لكن طبعًا صعب نقارنه مع أى مطعم ثانى للبرجر.

نصيحة 360

كونترى برجر بـ يوصل؛ اتصل على 16391.

أحسن حاجة

الأسعار رخيصة جدًا.

أسوأ حاجة

جودة الأكل متوافقة مع الأسعار.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح