The Definitive Guide to Living in the Capital , Cairo , Egypt

مزمزة – Mazmaza

مزمزة: أكل مصري صميم في مطعم بالمهندسين

  • 14 شارع الثورة - الدقي
  • مصري
  • 0152420000
  • 11 صباحًا - 2 صباحًا
تم التقييم بواسطة
Dina Mokhtar
قيم
قيم الآن
مزمزة: أكل مصري صميم في مطعم بالمهندسين

من كثر المطاعم والكافيهات في القاهرة، صاحب أي مكان بـ يحاول بقدر الإمكان تقديم الاثنين في بعض مرة واحدة. مش دائمًا الموضوع ده بـ ينجح، فبـ ينتهي الحال بك أنك تروح ما تبقاش عارف تحدد ده مطعم ولا كافيه كاجوال… الأكل اللي بـ يقدموه محتاج له جو معين، ومع ذلك أصحاب المكان متمسكين بجو الكافيهات بموسيقته العالية وشاشات الـ LCD الموجودة في كل ناحية لدرجة أنك تصاب بصرع، مزمزة – Mazmaza في المهندسين واحد من الأماكن دي.

مزمزة محتل مساحة كبيرة في أول شارع الثورة من ناحية نادي الصيد؛ سهل جدًا أنك تأخذ بالك من وجوده بأضواءه وألوان الديكورات الزاهية اللي لها طابع مصري أصيل، كأنك قاعد في دوار عمدة مودرن: أبواب خشبية باللون الأزرق الزاهي، وترابيزات خشبها غامق بكراسي وكنب تنجيدهم منقوش بكل الألوان اللي خلقها ربنا، كل ده بشكل إيجابي ومتوازن.

بدون الاستقبال المعتاد من المتر دوتيل –زي الترحيب أو السؤال عن عددنا- دخلنا وقعدنا؛ يمكن ده نوع جديد من الترحيب مش عارفين، عقبال ما الجرسون انتبه لوجودنا كنا أخذنا جولة سريعة في المنيو الملئ بالأكلات المصرية من أول شوربة الكوارع وحتى الملوخية بالأرانب. وبما أننا ما نقدرش نقاوم كبد الفراخ بدبس الرمان (35 جنيه)، اختارناها كطبق جانبي ومعها ورقة لحمة (57 جنيه) وفطيرة بالسجق (43 جنيه).

بعكس ما توقعنا، الأكل تم تقديمه في سرعة مذهلة؛ كبد الفراخ كانت شهية، ميزتها أنها كانت ساخنة بعكس أماكن كثيرة زرناها، ولكن عيبها الوحيد كان نسبة الخل فيها أعلى بكثير من دبس الرمان. ورقة اللحمة كان عليها جدل، بالرغم من أن تتبيلتها ممتازة ومضبوطة إلا أننا توقعنا أن يكون فيه خضروات متنوعة أكثر، زي الفلفل الرومي والجزر، ولكن للأسف ما كانش فيها غير البصل والبطاطس. ده ما يمنعش أننا استمتعنا بالأكلة خصوصًا أن اللحم كان جيد التسوية. فطيرة السجق كانت للأسف دون المستوى؛ بالرغم من أن مكوناتها كثيرة، إلا أن طعم الزيتون كان طاغي على بقية النكهات، وبالتالي كانت الفطيرة مملحة جدًا.

بعد الأطباق دي قررنا نختار البطاطا بالآيس كريم (20 جنيه)؛ فكرة الحلو في حد ذاته مبتكرة جدًا، ولكن التنفيذ يحتاج تعديل كبير، لأن الآيس كريم كان بطعم الزبادي –عارف طعم آيس كريم الزبادي بالتوت؟… هو بس من غير التوت- وبالتالي كان طعم الطبق ككل غير متجانس، كان محتاج إضافة نكهة ما تربط ما بين طعم الآيس كريم والبطاطا، زي الصوص الكراميل أو المكسرات، مش عارفين. مع الحلو طلبنا كابتشينو (19 جنيه) وسموزي ليمون بالنعناع (22 جنيه)، الأول مشكلته الأساسية أنه كان مُقدم في مج فخار، وبالتالي نكهة الفخار كانت موجودة في القهوة، الثاني كان ممتاز جدًا من حيث الطعم، إلا أن قوامه أخف من أنه يطلق عليه سموزي.

مشكلتنا الأساسية في المكان كانت عدم تناسق الأكل مع الجو العام؛ وخصوصًا بكم أغاني فترة الثمانينات والتسعينات. إحنا مقدرين أن مسألة اختيار الأغاني يعتبر شخصي، ولكن ليه نسمع أغنية “لولاكي” بصوت عالي وإحنا بـ نأكل وكمان مش سامعين الشخص اللي بجانبنا بـ يقول إيه!

نصيحة 360

مزمزة بـ يقدم شيشة.

أحسن حاجة

كبد الفراخ بدبس الرمان.

أسوأ حاجة

الموسيقى العالية جدًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح