The Definitive Guide to Living in the Capital , Cairo , Egypt

هاريس كافيه

هاريس كافيه: الفرع الرابع للكافيه القاهري المحبوب فى المعادي

  • فيلا 86، شارع 9
  • قهوة
  • 0223593990
  • 8 صباحًا - 1 صباحًا
written by
Ghada Aubeid
قيم
قيم الآن
هاريس كافيه: الفرع الرابع للكافيه القاهري المحبوب فى المعادي

تعودنا أن المطاعم والكافيهات بـ يعملوا تغييرات جذرية بحيث يقدروا ينافسوا أماكن الأكل المعاصرة. داخل فيلا كلاسيكية فى شارع 9 الشهير بالمعادى، الفرع الجديد من هاريس كافيه بـ يضيف لمسة أكثر عصرية للسلسلة الشهيرة. ومع منطقة الجلوس المكشوفة خارج المكان وديكوراته المعاصرة فى الداخل، الكراسى الجلد الغويطة قدرت تخلق قعدة مريحة، والمزيكا الهادئة أضافت كثير للجو الهادئ.

ترحيبهم لنا كان على شكل ابتسامة ومشروب منعش مميز، عبارة عن سموزى بلو بيرى تم إضافته قريب لمنيو المشروبات (19 جنيه). طعم التوت المسكر واللاذع فى نفس الوقت مع الثلج المجروش قدر يخطف قلوبنا، ويخلينا نطلب واحد ثانى.

هاريس بـ يقدم أجمد بداية ليوم مشرق مع مجموعة متنوعة من اختيارات الإفطار الأوربى وكمان الشرقى (24: 31 جنيه) مع كوب عصير طازج أو فنجان من قهوتهم المميزة. ننصح بشدة بعصير البرتقال (11 جنيه)، سويت كاراميل ماهيتو (21 جنيه) وكافيه لاتيه باللبن (18 جنيه). أومليت ‘Wake Up’ (26 جنيه) كمان يستحق الإشادة، بـ يُقدم على شريحة كبيرة من الخبز البنى اللذيذ، عليه شريحة من اللحم المقدد الرائع وبطاطس ومشروم طازج مقلى. الأومليت Meditteranean  (27 جنيه) بـ يقدموا معاه لبنة، جبن فيتا، طماطم طازجة وحلومى مشوى. صوص أملس من زيت الزيتون والأوريجانو بجانب خبز شامى كانوا ممتازين فى التغميس.

بالنسبة لأكلة أكبر، المنيو فيها أنواع من البرجر، بانينى، مكرونات ومجموعة من أطباق الفراخ، اللحم أو الأسماك. قاعدة عامة فى المكان أن كميات الأكل كبيرة وتجمع بامتياز بين الطهى المضبوط مع المكونات الطازجة. المفاجأة أن ساندويتش Butcher Block اللي سعره 33 جنيه كان خفيف، مكون من شريحة روزبيف وحلقات بصل مقرمشة. الطبق جانبى من البطاطس المقلية كان مقرمش من الخارج وطري من الداخل، ومعاه صوص مسطردة خفيف وصلصة.

حتى مع الحلويات، هاريس مشهور بالكريب الحلو اللذيذ والحلويات الطازجة. كريب النوتيلا (26 جنيه) لازم تجربه، ونفس الكلام بالنسبة للشوكليت فوندو (27 جنيه)، عجينة طازجة مميزة محشية شوكولاتة ذائبة غنية وعليها آيس كريم فانيليا. لما تركنا قطعتنا وقت زيادة شوية،  بدون مناقشة سخنوها كويس ورجعوها مع بولة جديدة من الآيس كريم وكمية كبيرة من صوص الشوكولاتة. لكل مجانين الشوكولاتة، قسم “عشاق الشوكولاتة فى المنيو بـ يقدم مشروبات شوكولاتية تتحدى مرض السكر، منها مشروب الشوكولاتة الساخنة اللذيذ After 8 سعره 19 جنيه بطعم النعناع القوى.

من خلال زيارتنا نقدر نقول أن الخدمة كانت ودودة وفعالة، والجرسونات موجودين حولك بدون إزعاج أو تطفل.

الأخ الجديد لسلسلة كافيهات هاريس فى المعادى مكان مميز لتقضية يوم صباحًا أو مساءً، مع أو من غير صحبة، وأكيد أول زيارة مش هـ تكون الأخيرة.

نصيحة 360

ادخل على صفحة هاريس كافيه الرسمية على الفيسبوك وشوف صور أكلات مبهرة.

أحسن حاجة

الخدمة هايلة، والأسعار مناسبة.

أسوأ حاجة

الشيشة غير متاحة قبل الساعة 5 مساءً.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح