The Definitive Guide to Living in the Capital , Cairo , Egypt

راندي فو كافيه – Rendez-Vous Café

راندى فو كافيه: كافيه شيك بمركز هيلتون رمسيس التجاري في وسط البلد

تم التقييم بواسطة
Katie Dryden
قيم
قيم الآن
راندى فو كافيه: كافيه شيك بمركز هيلتون رمسيس التجاري في وسط البلد

“راندى فو – Rendez-Vous” كافيه موجود في الدور الأول من مركز رمسيس هيلتون التجاري، أصبح وجهة أبناء الطبقة الأرستقراطية والأجانب –خصوصًا نزلاء فندق هيلتون رمسيس المواجه للمركز التجاري- لأنه حقيقي بـ يقدم خدمة 5 نجوم، بموقعه المفتوح والمكيف اللي بـ يكشف بالكامل الدور الأول للمول، والـ LCD العملاقة اللي ممكن تسليك.

الكافيه مقسم لجزئين: الأول للأكل والثاني مخصص لمحبي الشيشة، واللي موجود فيه كشك زلابية صغير لعشاق الحلويات… هو مزيج غريب صحيح، بس ما ننكرش أن رائحة الشيشة والزلابية مع بعض عجبتنا.

أول ما قعدنا قدموا لنا اثنين منيو شيك من الجلد البني: الكبيرة للأكل والصغيرة للمشروبات. منيو المشروبات معظمها مخصص للمشروبات الكحولية، الكابتشينو (23 جنيه) بالرغم من أن قهوته كانت قوية، يحسب لمنفذه المهارة والمجهود المبذول في كتابة كلمة Welcome بصوص الشوكولاتة فوق رغوة الكابتشينو -بعكس الكثير من المحلات اللي بـ تبهرك بأشكال مماثلة مع أنها لا تتطلب مهارة لأنهم بـ يستخدموا مسحوق الكاكاو على قطعة معدن مفرغة.

قررنا أننا نجرب موكتيل (بدون كحول) فجربنا موهيتو التوت البري (32 جنيه)، قوامه سميك زيّ السموثي، وبالرغم من أنه حلو في المجمل إلا أنه كان فيه حمضية عصير ليمون قوية ومضاف إليهم صودا. إجمالًا الموهيتو كان منعش جدًا.  

طبعًا المنيو متاح فيه المشروبات الغازية، إلا أن أسعارها في المكان سياحية لدرجة أن علبة الكولا بـ 26 جنيه.

لاحظنا أن المأكولات هنا مقدمة بطريقة جذابة، المنيو مقسم لسلاطات، حلويات وأطباق مصرية وإيطالية، واللي جربنا منه بيتزا بالخضروات (42 جنيه)، سعرها مناسب جدًا لحجمها وجودتها، أطرافها مقرمشة وجبنتها وفيرة، ده غير أن عليها مجموعة كبيرة من الخضروات المختلفة زيّ البروكلي، الفلفل بأنواعه والمشروم… طعمها كان رائع مفيش كلام.

من الأطباق المصرية جربنا الكشري، واللي مقدم في طبق أبيض على هيئة تل من المكرونة، والأرز، والعدس والبصل. طعم الطبق كان عادي مش فارق كثير عن كشري العربية، ما عدا السعر طبعًا.

الخدمة زيّ ما قلنا 5 نجوم، القائمين على الخدمة مذاكرين بروتوكولات الضيافة كويس، بزيهم النظيف وقدرتهم على التحدث باللغتين العربية والإنجليزية. بلا شك موقعه في مركز هيلتون التجاري هـ يعجبك لو أنت من عشاق التسوق، أو ناوي تدخل السينما الموجودة في الدور الأخير.

نصيحة 360

المكان بـ يقدم مشروبات كحولية.

أحسن حاجة

الخدمة الممتازة جدًا.

أسوأ حاجة

سعر علبة الكولا 26 جنيه! ليه؟

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح