The Definitive Guide to Living in the Capital , Cairo , Egypt

تعتبر “المتاحف” واحدة من المنشآت السياحية اللي لا غنى عنها في أي بلد، يعني بمعنى أدق، مافيش بلد في العالم مفيش فيها متحف أو اتنين أو عشرة أو حتى عشرين، وده بيرجع للأهمية التاريخية والثقافية والاجتماعية اللي بتبرزها “المتاحف” للزوار، سواء كان الزائر ده من أهل البلد أو سائح.

المتاحف دايماً بتكون معبرة بشكل حقيق وواقعي عن التاريخ والماضي والثقافة وأوقات كمان الحاضر والمستقبل، وعلشان كده جبنالكم أبرز وأهم 11 متحف في القاهرة، وأسعار تذاكر الدخول ليهم.

– المتحف المصري في التحرير:

المتحف مفتوح للزيارة طول أيام الأسبوع، من الساعة 9 صباحاً ولحد الساعة 5 مساءً، وأيام الأحد والخميس بيبقى فيه فترة مسائية من الساعة 5:30 مساءً ولحد الساعة 9 مساءً.

أسعار التذاكر:

للمصريين والعرب في الفترة الصباحية: 20 جنيه، والطلاب: 5 جنيه، والأطفال مجانًا لحد سن 6 سنوات، ده طبعًا غير تذاكر دخول غرفة المومياوات، ودي تذكرتها بـ: 40 جنيه للفرد، و20 جنيه للطالب، وممنوع التصوير فيها.

أما أسعار التذاكر في الفترة المسائية، فبتكون: 30 جنيه للفرد، و15 جنيه للطلبة، ولدخول غرفة المومياوات التذكرة للفرد بـ 60 جنيه وللطالب 30 جنيه.

أما التصوير الفوتوغرافي فله تذكرة منفصلة قيمتها 20 جنيه، وتصوير الفيديو تذكرة قيمتها 300 جنيه، سواء في الفترة الصباحية أوالمسائية.

– متحف الفن الإسلامي:

المتحف موجود في ميدان باب الخلق، ومفتوح طول أيام الأسبوع، من الساعة 9 الصبح للساعة 5 مساءً، أما الفترة المسائية فبتبدأ من الساعة من 6 لـ 9 مساءً، والأجازة يوم الجمعة من الساعة 11:30 لـ 1:30 الظهر.

أسعار التذاكر:

للمصريين والعرب في الفترة الصباحية: 10 جنيه، و 5 جنيه للطلاب، وفي الفترة المسائية: 15 جنيه للفرد و10 جنيه للطلاب.

– المتحف القبطي:

المتحف موجود في منطقة مصر القديمة، وبيفتح أبوابه يوميًا من الساعة 9 صباحًا ولحد 4 مساءً.

سعر تذكرة الدخول: 10 جنيه وللطبة بـ 5 جنيه.

– المتحف القومي للحضارة:

في منطقة الفسطاط، ومفتوح يوميًا من 9 لـ 5 مساءً.

– متحف قصر الأمير محمد علي بالمنيل:

المتحف بيفتح يوميًا من 9 صباحاً لـ 5 مساءً، وتذكرة الدخول بـ: 20 جنيه، والطلبة بـ: 10 جنيه.

– متحف النسيج المصري في شارع المعز:

مواعيد الزيارة يوميًا من الساعة 9 صباحًا ولغاية الساعة 5 مساءً.

أسعار التذاكر: الفرد: 10 جنيه، والطالب: 5 جنيه.

– متحف أم كلثوم في جزيرة الروضة:

المتحف موجود جنب مقياس النيل وقصر المانسترلي، وبيفتح يوميًا من الساعة 9 صباحًا وحتى 4 مساءً.

تذكرة الدخول: للطالب: جنيه واحد، والفرد العادي: 2 جنيه، وللتصوير الفتوغرافى، بيدفع الطالب: 2 جنيه والفرد: 4 جنيه.

– متحف قصر عابدين:

مواعيد الزيارة يوميًا من الساعة 9 صباحًا ولغاية 5 مساءً.

أسعار تذاكر الدخول: الفرد: 20 جنيه، والطالب: 10 جنيه.

– متحف جاير أندرسون:

أو متحف “بيت الكريتلية”، وموجود في ميدان “أحمد بن طولون” في السيدة زينب، وبيفتح يوميًا من الساعة 9 صباحًا لحد 5 مساءً.

تذاكر الدخول: الفرد 10 جنيه، والطالب 10 جنيه.

– متحف المركبات الملكية في القلعة:

والمتحف ده موجود جوه قلعة “صلاح الدين الأيوبي” وبيفتح أبوابه يوميًا من الساعة 9 صباحًا ولغاية الساعة 5 مساءً.

تذاكر الدخول: الفرد: 20 جنيه، والطالب: 5 جنيه.

– متحف مركب خوفو:

المتحف موجود في المنطقة الأثرية في هضبة الهرم، وفاتح أبوابه يوميا من الساعة 9 صباحا وحتى الساعة 5 مساء.

تذاكر الدخول: 10 جنيهات للفرد، و5 جنيهات للطالب.