The Definitive Guide to Living in the Capital , Cairo , Egypt

معالم وسياحة

بالصور.. رحلة الفنان العالمي “جيمي لويس” من الأقصر إلى الأهرامات

أبو الهول أسوان الأقصر الأهرامات الهرم المدرج توت عنخ آمون جيمى جان لويس سقارة سياحة مهرجان الأقصر السينمائي
بالصور.. رحلة الفنان العالمي “جيمي لويس” من الأقصر إلى الأهرامات
    بواسطة
    Cairo 360

    بعد زيارته لمصر اللي انتهت يوم السبت 15 مارس 2020، سافر النجم العالمى “جيمى جان لويس” من مطار القاهرة الدولى للوس أنجلوس، وهي الزيارة اللي كانت على هامش الدورة التاسعة لمهرجان الأقصر السينمائي، واللي شهد حضور عدد كبير من النجوم والضيوف والوفود من كل الدول الأفريقية.

    جدول “جيمى” كان مليان زيارات وفعاليات مختلفة، شاركها مع جمهوره ومتابعيه على حساباته الرسمية في “تويتر” و”إنستجرام”.. وبدأها بجولة للمواقع الأثرية فى الأقصر، وكان حريص إنه يأكد في كل صورة و”تويتة” على إندهاشه من عظمة الحضارة المصرية، ونشر مجموعة صور لنفسه في مقبرة “توت عنخ آمون” و”معبد الكرنك” وأثناء حضوره لعروض الصوت والضوء.

    المحطة الثانية في جدول “جيمي” كانت “أسوان”.. وزار فيها معبد “فيلة” و”جزيرة إلفنتين” ومواقع أثرية تانية، وخد مجموعة من الصور التذكارية ووجه معاها دعوة للعالم لزيارة مصر.

    المحطة الثالثة والأخيرة للنجم العالمي في مصر كانت “القاهرة”.. وبدأها بزيارة لمنطقة الأهرامات، اللي كان واضح في صوره اللي اتصورها هناك إنه كان منبهر، وده كان اضح كمان في تعليقه على فيديوهات وصور ليه قال فيها إنه كان فاكر إنه شاف كل حاجة في الأقصر.. لكن الأهرامات حاجة تانية.

    زيارة “جيمي” لمنطقة الأهرامات بدأت بدخوله الهرم الأكبر، واللي قال إنه كان حلم حياته.. ومن الهرم الأكبر توجه لزيارة منطقة البانوراما ومنطقة تمثال أبو الهول، ومعبد الوادي، ومنطقة آثار سقارة، والهرم المدرج، ومقبرة إيدوت ومقبرة إيمحتب ومتحف إيمحتب.

    مقترح