The Definitive Guide to Living in the Capital , Cairo , Egypt

معالم وسياحة

خليك في البيت.. إزاي تزور 500 متحف ومعرض في العالم وأنت في مكانك؟

إنترنت خليك في البيت متاحف أونلاين منصة جوجل للمتاحف
خليك في البيت.. إزاي تزور 500 متحف ومعرض في العالم وأنت في مكانك؟
    بواسطة
    Mohamed Talaat

    الصورة الرئيسية لـ: The Metropolitan Museum of Art

    “خليك في البيت”، ده شعار بيرفعه العالم كله حاليًا لمحاربة فيروس كورونا المستجد، اللي غير حاجات كتير في عالمنا، وخلى ناس كتير من عشاق الخروجات قاعدين زهقانين، لكن مين قال إن القعدة في البيت بتساوي زهق؟ تقدر تخرج وتنبسط وتزور أجمل متاحف ومعارض العالم وأنت قاعد في مكانك.

    منصة Google Arts & Culture وفرت مؤخرًا فرصة حقيقية لكل الشعوب لزيارة المتاحف العالمية المهمة. أيوة.. جوجل أتاح للجميع جولات افتراضية أونلاين لحوالي 500 متحف ومعرض حوالين العالم، من خلال ضغطة زرار واحدة على جهاز الكمبيوتر أو التليفون الخاص بيك.

    كل اللي عليك هو الدخول على موقع “Arts & Culture” علشان تزور المتاحف والمعارض وكأنك جوه المتحف أو المعرض بشكل افتراضي من بيتك، ومن غير تكلفة سفر أو الحصول على تأشيرة دخول لبلد معينة.

    وبتشمل قائمة المتاحف المتوفرة متاحف الفاتيكان بروما، ومتحف أورساي في باريس، ومتحف فان جوخ في أمستردام، ومعرض أوفيزي في فلورنس، ومتحف اللوفر في باريس، ومتحف هيرميتاج في سان بطرسبرج، والمتحف البريطاني في لندن، ومتحف الفن الحديث موما في نيويورك، ومتحف سولومون جوجينهايم في نيويورك، ومتحف بيرجامون في برلين، والمتحف الوطني للفن الحديث والمعاصر في كوريا الجنوبية، وغيرها من المتاحف.

    لزيارة المتاحف: اضغط هنا.

    مقترح