The Definitive Guide to Living in the Capital , Cairo , Egypt

أفلام
الخلية

الخلية: أفضل أفلام عيد الأضحى المبارك؟

  • أحمد عزأمينة خليل...
  • حركة ومغامرات
  • طارق العريان
  • في1 Cinema
تم التقييم بواسطة
Mohamed Hamdy
قيم
قيم الآن
الخلية: أفضل أفلام عيد الأضحى المبارك؟

بعيدًا عن الأسفاف أو مخاطبة غرائز الجمهور أو أي وسيلة كسب غير مشروعة، بيقدم صناع فيلم الخلية حالة من الأكشن الموصول بسيناريو قوي وقصة جذابة وإخراج متميز، وفى رأينا بنعتقد أن فيلم الخلية هو أفضل أفلام عيد الأضحى المبارك.

القصة

 

 

الفيلم بيحكي عن سيف (أحمد عز) ظابط في العمليات الخاصة في وزارة الداخلية، بيتتبع مجرم خطير اسمه مروان (سامر المصري) بمساعدة صديقه عمرو (محمد ممدوح) علشان ينتقموا لروح صديقهم اللي مات في أحد العمليات الخاصة، وفى باقي أحداث الفيلم بيستعرض المخاطر اللي بيواجهها رجال الأمن علشان يوفروا لنا حياة آمنة وكريمة.

فريق العمل

 

 

الفيلم من بطولة أحمد عز ومحمد ممدوح وأمينة خليل وسامر المصري ومن إخراج طارق العريان وتأليف صلاح الجهيني، صلاح هو مؤلف فيلم أولاد رزق اللي قام عز ببطولته، وطارق العريان هو مخرج فيلم أولاد رزق برضه.

الأداء التمثيلي

 

 

الأداء التمثيلي ماقدمش جديد لأبطال الفيلم الرئيسين، لكنه أكد بالفعل على موهبتهم وتميزهم. أحمد عز بيقدم أداء تمثيلي مش مختلف عن باقي أعماله السابقة خصوصًا أولاد رزق، كمان محمد ممدوح في دور صديق البطل لم يقدم جديد، لكن لازم نقول أن الأداء التمثيلي لكل الأبطال كان متميز وكان في أفضل صوره، لكن ماشوفناش بطل خرج من جلده الفني وقدم شيء جديد.

على الرغم من صغر مساحة دورها، لكن ريهام عبد الغفور قدرت تقدم أداء تمثيلي قوي ومميز ومختلف وجميل.

السيناريو والحوار والإخراج

 

 

سيناريو الفيلم سريع ولم يتركنا للملل ثانية واحدة، خصوصًا من بداية الربع الثاني للأحداث، وكانت بصمة طارق العريان واضحة على أحداث الفيلم من البداية للنهاية، كمان إخراج مشاهد الأكشن تم بصورة احترافية رائعة، وعرفنا إن بعض مشاهد الفيلم تم تصويرها بتسع كاميرات مختلفة علشان تخرج لنا حقيقية وقوية، لكن بنعيب على بعض المشاهد أن كان واضح فيها جدًا الاستعانة بالمؤثرات الخاصة أو الدوبليرات، لكن غير كده الفيلم كان قوي على مستوى الأكشن والإخراج.

الديكورات والموسيقى والأزياء

 

ديكورات الفيلم كانت مميزة خاصة مشاهد التدريب ووزارة الداخلية، كمان ميز الفيلم تصويره في بعض المناطق الحقيقية زي منطقة وسط البلد وشارع شامبليون ومحطة مترو الانفاق وغيرها، أزياء الأبطال كانت رائعة خاصة ملابس أمينة خليل، أما الموسيقى التصويرية فكانت قوية لكن كنا نحتاج أنها تكون أقوى وأكثر ملائمة لجو الأحداث العام.

الخلاصة

 

فيلم الخلية فيلم قوي، غير مبتذل، متعوب عليه وبيقدم أكشن جديد و(فريش).. ننصح كل محبي أفلام الاكشن أنهم يشوفوه.

علشان تبقى عارف:

الفيلم يعتبر التعاون الثاني بين طارق العريان وصلاح الجهيني وأحمد عز على التوالي بعد فيلم (ولاد رزق).

عجبك ؟ جرب

المصلحة أو أولاد رزق

نصيحة 360

الفيلم استغرق تصويره حوالي سنة ونص

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح