على الرغم من أن الموسم الشبه رسمي لطرح الأفلام العربية بيكون في مواسم الأعياد ورأس السنة، إلا أننا أحيانًا بنشوف أفلام بتحاول التحليق خارج السرب ده، وده شيء يستحق التحية لو كانت الأفلام دي قوية وتستحق المشاهدة. تعالوا نتعرف أكتر على فيلم (الفندق).
القصة
الفيلم بتدور أحداثه في أحد الفنادق، وهناك بيكتشف أحد الأزواج إن زوجته بتخونه، فبيسعى للانتقام منها، في نفس الوقت اللي بنشوف فيه أسباب الخيانة دي وإزاي الهجر وعدم الاهتمام بالزوجة ممكن يدفعها للدخول في علاقات غير مشروعة مع آخرين.
فريق العمل
الفيلم من إخراج عاطف شكري وتأليف أسامة فهمي وبطولة علا غانم ومحمد نجاتي وأحمد كرارة وأحمد الحلواني وإبرام سمير وأحمد صادق.
الأداء التمثيلي
علا غانم بتحاول من جديد تقف على رجليها سينمائيًا بعد سلسلة من الاختيارات الخاطئة في الفترة الأخيرة، والحقيقة إننا شايفين أن علا فنانة موهوبة لكنها مش بتحسن اختياراتها، ومش عارفه لحد الأن تقف على أرض صلبة أو تجد لنفسها مساحة قوية من الأداء التمثيلي. ونتمني أنها في اختياراتها القادمة تكون أكثر تركيزًا.
محمد نجاتي وأحمد كراره بيقدموا أداء تمثيلي يقع في خانة المقبول، وقدروا يجسدوا المطلوب منهم في السيناريو، لكن لم نشعر بروحهم الحقيقية في الأحداث، يعني حسينا أنهم مجرد ممثلين بتأدي دورها في الفيلم وخلاص، وكنا متوقعين منهم أداء تمثيلي أفضل من كده.
السيناريو والحوار والإخراج
سيناريو الفيلم حاول يجتهد ويقدم أحداث مشوقة وجديدة ومختلفة، لكن المحاولة دي وقفت قدامها كتير من العقبات زي الإنتاج مثلًا اللي حسينا أنه مش قوي وماقدرش يقدم فيلم غنى على مستوى الديكورات وأماكن التصوير مثلًا، كمان الإخراج كان محتاج يبقى أقوى وأكتر احترافية.
الديكورات والموسيقى والأزياء
ديكورات الفيلم والموسيقى الخاصة به كانت متواضعة، وفي رأينا الفيلم بكافة عناصره كان محتاج اهتمام أكبر من كدة وميزانية إنتاجية أكبر.
الخلاصة
فيلم (الفندق) كان ممكن يكون فيلم أفضل لو القائمين عليه تعاملوا معاه بجدية أكبر.
علشان تبقى عارف:
تصنيف الفيلم +16 بسبب موضوع الفيلم اللي بيتناول الخيانة الزوجية.
أكتب تقييم
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
