The Definitive Guide to Living in the Capital , Cairo , Egypt

أفلام
المرأة الأخرى – The Other Woman

المرأة الأخرى – The Other Woman: كل حب وله نهاية

  • سكوت كوهينلوريت أمبروز...
  • دراماكوميدي
  • دون روسدون روس
  • في1 Cinema
تم التقييم بواسطة
Mohamad Adel
قيم
قيم الآن
المرأة الأخرى – The Other Woman: كل حب وله نهاية

الفيلم
جميل وعاطفي جداً، بـ يخلي الواحد يفكر في قصص الحب اللي مر بيها أو حتى اللي لسه
عايش فيها ومتأزمة شوية.

“إيميليا”
هي الزوجة الثانية في حياة أحد المحامين الأغنياء “جاك”، ونبتدي نتعرف
على “إيميليا” الإنطوائية، العصبية، بس عندها برضه قلب كبير، ومع إن
بنتها الرضيعة ماتت، لكنها بـ تحاول تراعي إبن “جاك” اللي برضه إنطوائي
وحساس زيها وهو “ويليام”، لكن ده ماكانش عاجب “د. كارولين”
وهي طليقة “جاك” وأم “ويليام”. طبعاً العلاقة الثُلاثية بين
الزوجة الثانية والزوج والطليقة بـ تجذب أي حد لإننا وسط صراعات وعلاقات معقدة
جداً عاوزين نعرف نهايتها، خاصةً إن القصة ليها تفريعات معقدة برضه زي إن أم
“إيميليا” مطلقة هي كمان، ونعرف إن السبب هو خيانة جوزها، وصديقة
“إيميليا” اللي بـ تحاول تحمل مرة ثانية بعد عملية إجهاض؛ مواضيع كثير بشكل
صعب إن فيلم واحد يقدر يحلها، لكن بـ نلاقي أن الفيلم بـ يحل المشاكل ببساطة،
وتيجي النهاية السعيدة المصنوعة لإرضاء المشاهدين، وعشان ماحدش يخرج من قاعة العرض
زعلان !

ناتالي
بورتمان اللي حصلت على أوسكار أحسن ممثلة عن فيلم «
Black Swan» بـ تلعب دور “إيميليا” وكانت متفهمة جداً لإحساس الشخصية
وصراعاتها الداخلية والخارجية، كمان المفاجأة ليزا كودرو المعروفة بـ شخصية
“فيبي” الشهيرة جداً في مسلسل «
Friends»،
وهنا في الفيلم عاملة دور “د. كارولين”، والمدهش إن الواحد يصدقها جداً،
وينسى لعنة أبطال «
Friends» اللي مايعرفش الواحد
يشوفهم في أعمال فنية ثانية.

 طبعاً مِصداقية الحالة جاية من بساطتها،
وبإستخدام أبسط لعناصر الصورة وزوايا الكاميرا في الفيلم، عشان كده الواحد يحس إن
الفيلم بسيط قوي، لكن فيه هبوط في إيقاع الفيلم في مشاهد صغيرة زي المشهد الحواري
بين “إيميليا” و”ويليام” وهما بـ يحطوا قارب في البركة، كان
المشهد طويل جداً، بدون داعي. كاتب السيناريو والمخرج دين روس كثر من إستخدام عنصر
اللون وهنا للون الأبيض لإعطاء الإحساس الهادي طول الفيلم، كمان همش عنصر الموسيقى
وده عشان يخلي كل تركيزنا مع أبطال الفيلم وقصصهم أكثر ونحس إنها حقيقية جداً،
يعني هو نوع من التعايش، بدليل إستخدامه للقطات مقربة وواسعة لوجوه الأبطال لمتابعة
الصراعات اللي جواهم ومع غيرهم، وخلانا نتابع الدراما اللي كانت فعلاً متبلورة بشكل
كويس جداً، ما عدا تتابعات النهاية واللي قلنا إنها مش هـ تتصدق، ويكفي الفيلم إنه
خلى كثير من جمهور قاعة العرض يصقف، مع إن ده مش كثير بـ يحصل في فيلم أجنبي، لكن
ده درس إن الفن البسيط، السلس، أياً كانت جنسيته، هو اللي بـ يدخل القلوب من أوسع
أبوابها .

 

عجبك ؟ جرب

«The Notebook»، «Serendipity» ، «Sleepless In Seattle».

نصيحة 360

الفيلم إتعرف بأكتر من اسم! يعني على الأفيش هـ تلاقي كلمة   Love بس، وفي تترات الفيلم تلاقي إسمه Love And Other Impossible Pursuits وده في الأساس عمل روائي مأخوذ عنه الفيلم بنفس الإسم للكاتبة إيليت والدمان، أما الإسم الثالث اللي هـ تلاقيه لو ماعرفتش تلاقيه في محرك البحث الإسمين دول هو« The Other Woman ».

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح