The Definitive Guide to Living in the Capital , Cairo , Egypt

مافيش شك إن فيلم “بشتاق لك ساعات” للمخرج المصري محمد شوقي حسن، واللي أبطاله الرئيسيين بيقوموا بأدوار مثليين جنسيًا، عامل حالة جدل كبيرة مؤخرًا على وسائل التواصل الاجتماعي في مصر، وظهرت أخبار كتير عن الفيلم في الفترة الأخيرة كتير منها ممكن يكون مضلل أو مش دقيق.

مؤخرًا كتب الناقد الفني طارق الشناوي، والمتواجد حاليًا في ألمانيا، مقال على موقع المصري اليوم، فيه معلومات عن الفيلم مصدرها هو المخرج محمد شوقي حسن.

تعالوا نتعرف على المعلومات اللي ذكرها “الشناوي” في مقاله:

1 – فيلم “بشتاق لك ساعات” هو أول عمل روائي طويل للمخرج محمد شوقي حسن، اللي سبق له إخراج فيلمين قصيرين في أمريكا، بعد ما درس السينما هناك.

2 – البطلين في الفيلم مثليين جنسيًا لكن الأحداث غير محددة المكان والزمان، والفيلم فيه أكثر من لهجة عربية، منها المصرية واللبنانية وكمان الفصحى، ده غير إن فيه لغات تانية هي الألمانية والإنجليزية.

3 – الأوراق الرسمية اللي أعلنها المهرجان، قبل انطلاقه الخميس اللي فات، بتشير إلى أن الفيلم مصري، استنادًا لهوية المخرج، لكن فيلم (بشتاق لك ساعات) مافيش شركة إنتاج مصرية وراه.

4 – الرقابة المصرية مالهاش أي سلطة على الفيلم، وهي مش طرف في الحكاية، لأنها مامنحتش تصريح بالسيناريو، وبالتالي التصوير، وفعليًا تم تصوير الفيلم خارج مصر.

5 – الفيلم مش هيعرض تجاريًا في مصر بعد نهاية المهرجان، لكن هيعرض في ألمانيا وعدد من الدول الأوروبية.

6 – قال مخرج الفيلم للناقد طارق الشناوي إن أبطال العمل بيؤدوا أدوار مثليين جنسيًا، لكن المثلية مش قضية الفيلم الرئيسية.

7 – المشاركين في الفيلم كلهم مقيمين خارج الحدود، والبطلة الممثلة والمطربة دنيا مسعود بتروي الأحداث بالفصحى بصوتها.

 

لقراءة مقال طارق الشناوي كامل اضغطوا هنا.